هذه القصيدة قالها الشاعر / شافي بن راشد النتيفات
في عايض بن جويعد بن عايض المصارير ""
بعد وقفته وفعله الطيب وعلمه الغانم معه ""
ياجيب لامن ضاق صدري بخاويك =انت الخوي اللي ينومس خويه
ياما قطعنا تختخن من مساعيك = وياما ضربنا بك فجوج خليه
حدر من الهمجة لدار تحييك =وتحيي الضيفان صبح وعشيه
دار ليا من جيت تلقى حواليك = من يهدي الترحيب والمقدريه
دار الوفا ياجاهل فيهم انبيك = دار الحبيبي والرجال الابيه
كل على الطالة بفعلة يوريك = صبيان تغلب تحتمي كل هيه
انصابنا بيت ليا اقبلت يدعيك = لبيت عايض سير والق التحيه
يابوجويعد كل ماحل طاريك = ترفع لك البيضاء بعالي طميه
رفقتك عندي في حياتي كما الشيك = ياصاحب ياقف بجانب خويه
يرتاح بالي كل ماجيت ناصيك = وانسى هموم ايام وقت عصيه
انا اشهد انك عز منهو رجا فيك = يشهد على مااقول وقفتك ليه
ومن عقب بيت الذرب من دون تشكيك = نصه لبيت اللي علومه وفيه
يفرح بشوفك مثل مااشتاق راعيك = وتلقى الشحم والدلة الشاذليه
في بيت شايع لو تعدا يناديك = شوقي سلام للنشامى وجيه
وانكف بنا والله يثمن مساعيك = لديرتي مابي سواها نحيه
وكفو المصروري والنتيفي