[معلومات العضو عبدالله الحافر الغييثي]

دون اي شك بان الشعر القديم (الفصيح) أقوى وأجزل وأدق معنا" ووصفا" من الشعر النبطي الحالي . وباعتقادي ان الشعر النبطي هو امتداد للشعر الفصيح ولكن نظرا" لاختلاف اللهجات عبر مرور الازمنه أصبح الشعر بهذا الشكل وهذا الاسلوب النبطي علما" بان مازال هناك شعراء يبدعون بالشعر الفصيح الى وقتنا هذا وأنا بالنسبه لي كشاعر نبطي عندما أقوم بكتابة قصيده نبطيه فليس هناك اي غضاضه لانني اخاطب الناس بلغتهم العاميه السائده في هذا الوقت. والشعر بصوره عامه منذ الشعر الجاهلي الي النبطي الحالي فهوا يندرج وينضوي تحت عدة مجالات مثل (المدح , الهجاء, الغزل, الحكمه , الفكاهه...........الخ ) وكل في مجاله وهنا احببت ان اورد بعض المقتطفات من الشعر النبطي في مجال الحكمه وأأمل من البقيه انهم يشاركوني بما تجودبه انفسهم :

, راكان بن حثلين العجمي يقول

ما قل دل وزبدة الهرج نيشـانوالهرج يكفي صامله عن كثيره

الذم مـا يهفـي للاجـواد ميـزانوالمدح ما طول ايدينن قصيره

خالد بن مدعث الدوسري

وش خانة الدنيا وجمع الدنانيروحنا علينا نـازع الـروح نـاوي

,

* يقول الامير: خالد الفيصل دايم السيف .

الناس تفنى والمبانـي والامـلاكوالقـول يبقـى والخبـر للتـوالـي

الشعر معنى حكمته بعد الادراكوما كل يلمع علـى النـور غالـي

والشعر صور شاعر فيـه تلقـاكاما لبـس لـك جـوخ ولا سمالـي

* ويقول: بركات الشريف:

احفظ حلالك اللي عن الناس يغنيكاللي الـى بـان الخلـل فيـك يرفـاك

اجعل دروب المرجلـه مـن معانيـكواحذر تمايـل عـن درجهـا بمرقـاك

أدب ولــدك كــان تبغـيـه يشفـيـكواستسفعـه مـن بعـد مربـاه يـالاك

* وهذا الشاعر: سليمان بن شريم من بني زيد يقول:

وربعك الى بـان الخلـل فيـك عافـوكاقرب قريب لـك مـن النـاس يشنـاك

ان كثـر مالـك اصدقـولـك وطـاعـوكوان قـل مــا بـيـدك شـانـت حـلايـاك

لو تطلب الماء عندهم كان ما اسقوكابعـد مـزارك عـن وطنـهـم ومـربـاك

وان طـاب حظـك اصدقولـك وحبـوكوان بـار كـل مـا يـبـي غـيـر فـرقـاك

وهراجـة المجلـس الـى جـيـت وروكمـنــازل تـطــرب نـظـريـك بـدنـيـاك

والـى قضـوا مـنـك الـلـوازم وخـلـوكتفرقـوا وانـت احتمـل لحـل مـا جـاك

كـنـك ســراج البـيـت للـنـور شـبـوكواللي انقضى اللازام حد الربع طفـاك

الى ان قال:

واصحـى لـخـلان الـرخـا لــو تغـالـوكاعرف ترى اطيبهم الى احتجت يجفاك

كنـك خـوي مقيـط دهــووك واغــووكوحقك عطـاك رشـاك واقفـى وخـلاك

واحذر عن العيلة تـرى الحـق مـدروكمثـل العمـل يدركـك مـا مـنـه فـكـاك

وان كان عدوانك على الضيـق حـدوكفاخـصـم طلابتـهـم بعجـفـاك وقــداك

وان كان هم لمشرف الحق مـا شـوكناظـر مطالـيـع الـفـرج قـبـل مـبـداك

واحلم على الجاهل ترى الحلم مبروكوقم للضعيف اللي من الضيـم ينخـاك

وادمح خطـا جيـران بيتـك الـى اوذوكتـرى القصيـر وحرمـة الجـار بحـمـاك

وقم للضيـوف اللـي لفولـك وضافـوكاغــلا كرامتـهـم حـجـاجـك وبـشــراك

* يقول الشاعر: عبدالله بن صقيه التميمي:

سـاس الـردي لابــد مبـنـاه ينـهـالولـد الـردي صاحبـي تحطـه بطانـه

تلقاه وقت الضيق لاضحكك الجـالالصـفـر لا يغـريـك زيـــن لمـعـانـه

ترى الذهب من صافي جنيه واريالمـا يختلـف يـا ذيـب طيـلـة زمـانـه

بستان غيرك لوبـه الـوان واشكـالمـا تنتـفـع مــن خـوخـه وبردقـانـه

ما ينفعك مـا فيـه لـو بالثمـر مـاللاصــار بالـغـدراء جــداره مـخـانـه

ويقول ابو التميمي ايضا:

احرص عن الزلات في كل الاحواللا تنـخـدع بـالـلـي يـعـلـج اللـبـانـه

مـا يفتـري ويشيـن النـاس رجـالراع الحكـي بالنـاس خلـه وشـانـه

عليـك بالـلـي بالمهـمـات ســردالليث مثل مـن حـط قوسـه رهانـه

انت وانـا نبعـد عـن القيـل والقـالكـم واحـدٍ يـا ذيـب ضــره لسـانـه

* ويقول غازي بن دخيل الله بن عون العتيبي

الرفقـه اللـي مالـهـا ســاس ووصــولاتــلـــى تـلـيـاهــا تـــــروح بـسـهـولــه

مثـل الـذرور اللـي علـى راس غرمـولاول مــهــب يـعـتــرض لــــه يــزولــه

والفعل ما يطلـع علـى مستـوى القـوليـقــول قـــول مـــا يـطـبــق فـعـولــه

والفرق في الافعال,, ماهوب في الزولوالا تـرى اطيـب مـا مـن الـثـور زولــه

لـو غـرّهـم زولــه,, وحـطـوه مسـئـولصــاروا مـثــل راع الـغـنـم ومخـيـولـه

ثـوب علـى جسـم علـى شبـه مخـيـولودايـعــه يـفـرسـهـن الــذيــب حــولــه

* يقول: عبدالعزيز الحسن:

بعض البشر مثـل النجـوم المراهيـشانـوارهــم تـزهــي بـالافــراح بــشــه

افكـارهـم ري العـقـول المعـاطـيـشفــي الـديـن والدنـيـا للاخـيـار هـشـه

وبعض البشر عقله من التبن والخيشلـوزان شكلـه داخـل الــراس عـشـه

* وقال تركي بن حميد العتيبي

تـرك عشـيـر عشـرتـه يــوم او دونثــم يـبـدل بــك عـشـيـر ويـنـسـاك

شف لك قطامي على السد مامـوندرع القفا ما ينهـض الـراس لحـذاك

اللي الى اوحى الناس فيكم يهرجونحامي على عرضـك ويدمـح خطيـاك

* ويقول: عبدالله اللويحان التميمي:

الشـور مـا ينفـع قلـوب المهابـيـلكالزنـد وان حـرك تطايـر شــراره

لو تأمره بالعدل يعرض على الميليبتـل علـى رايـه بـربـح وخـسـاره

والطبـع مـا ينـزال غـيـره بتبـديـلمثـل الجـدي مرسـاه ليلـه نـهـاره

والحنظله لوهي على شاطي النيلزادت مرارتـهـا القديـمـه مـــرارة

* يقول راشد الخلاوي الهاجري:

لا تستـشـيـر الا صــديــق يــــودكفي الله صافي السر مامون عاقبه

وترى شور ما لا يستشيرونـه المـلاشمعه نهار في ضيا الشمس دايبـه

وأرى النصايـح فـي البرايـا فضايـحوكم ناصح اضحى له الناس عايبـه

* ويقول محمد عبدالله القاضي التميمي:

تكلفـك بامـر مــا يخـصـك جهـالـةوتبعدك عما كان يلزمك لـه قافـي

ولا تصـافـي كــود حـيـد صـمـيـدعغيور على الصاحب نصوح وميلافي

ولا تلوم النفس فـي جـاري القضـامالك عن المقسوم يالعبد مكافـي

يا شرهل المعـروف منـك بتواضـعوهل الشر باشرهم بشر وتستافـي

* ويقول غازي بن مهنا الشيباني:

ما طار وقع من مطيره ولو حـاموالزود مثل النقص ينقص ولو زاد

دنيا تغر الناس في طـول الاحـلامولابـد تاصـل شرهـا بيـن الاجــواد

ياماشي بالدرب مسـرى ومجهـاملابـد مـن عقـب المراويـح معـواد

احد قضى زامه واحد يمسك الزامواللي صدر منها يجـي غيـره اوراد

* كذلك يقول: محمد بن عايض بن هادي الحباني:

مـن رابـع الخـايـب سـكـن دوم وايــاهلبـس الدناسـه عقـب لبـس الـجـدادي

ومن طاوع الشيطان فـي دينـه اغـواهيصـبـح غـريـق بـيـن الامـــواج غـــادي

ومن عاشر الطيب ترى الطيب شرواهوبالطـيـب يـرقـى نـايـفـات الـمـبـادي

خلـك مـع الطيـب وممشـاك ممـشـاهورافـق علـى الربـع القـروم الـعـوادي

عــز الفـتـى ديـنـه وسلـمـه ومـربــاهوربعـه عـضـوده عـنـد قــدح الـزنـادي

تاقـف مـعـه وبـقـدر الامـكـان تحـمـاهلا صــار بـاطـراف الحـبـال انـعـقـادي

* ويقول محمد بن عقيل السويلمي:

اضرب طريق الخير واسلك مسيـرهولا تلتفـت للنـاس عـوجـاه واقــداه

ولو طال عمرك عارف وش مصيرهازبن ولي العرش واتعب على رضاه

وأد الـفــروض الاولــــه والاخــيــرةواضـف لهـن مخـافـة الله ورجــواه

* ويقول حمد بن هادي المسردي القحطاني:

من كثر ماله ساروا النـاس برضـاهولو كان ناقص قالوا النـاس وافـي

ومن قل ما بيده ترى الناس تشنـاهولو كان يسقيهم عسل قنط صافي

فالمـال كـم سـاس طمـان وعـلاهوالفقـر كـم حطـم روابـع سنـافـي

لاشـك مـا للعبـد عـن حكـم مـولاهمــن خـيــر ولا شـــر ولا عـوافــي

* يقول محسن بن ناصر المري:

قـومـوا بـديــن الله ورزوا شـعــارهواخشوا نهـار فيـه تخطيـف الابصـار

دنـيـاك مرجعـهـا الفـنـا والقـشـارهلا تامـن الدنيـا تـرى الـوقـت غــدار

لابــد مــن قـبـر وحـيــش جـــدارهمن مات ياالمسكين خلي على الدار

* وهذا الشاعر مرشد بن سعد البذال:

لولا الردي ما صار للطيب سمعهلاشــك لـهـذا ضـــد ذاك يـصـيـر

والناس مثل المـاء غديـر ومالـحهــــذا مــــلاح وذا زلال غــديــر

والاجواد قربتهم تبيـض وجودهـمتنـفـع ولا مـــن قـربـهـم تـأثـيـر

والاشرار نفعتهم مكافـاة شرهـموالا تـرى قــرب اللئـيـم خطـيـر

الرجـل عـقـل ومرجـلـه وديـانـهبلاشـك راعـي هـا الثـلاث ظهيـر

* وهذا على المفضي يقول:

من طاول الدمعه تكدر شرابهوالغت مرارة دمعته كل حالي

وافنى عنا دنياه زهـرة شبابـهلو كان من بين الخلايق مثالي

واللي يبي ياقف لوقتـه يجابـهينهد حيله,, والزمن مـا يبالـي

* ويقول الشاعر عبدالله العلي الحرير

الى بغيت اتحط كلش على البالغـديـت صـقـار بسـاقـه هــداده

تغثك الدنيا ولا ادركـت بـه حـالمثـل البعيـر الـى تقلـد اشــداده

* ويقول حامد بن مايقه الحبابي:

تخير اذا رافقـت مـن النـاس عـارفرجــل اذا شـــان الـزمــان يـطـيـب

رفيـق علـى عسـر الليالـي ويسرهـاكما الزرع,, في وقت الدهور خصيب

امين يحفـظ السـر عـن سايـر المـلاحفيظ على ما فـي الضميـر قطيـب

خلف ابو زويد الشمري

دخيـل خـذ مـن والـد لــك مسـالـةومـسـا لــة مايفهـمـه كــل رجــال

احشـم خويـك عـن دروب الـرذالـةترى الخوي عنـد الاجاويـد لـه حـال

والمرجـلـة بـالــك تـرخــي حـبـالـةوبالـك تعيـل ولا تراخـا لـمـن عــال

وان كـان ماتدعـى علـى كـل قالـةتـراك مـن حسبـة هـدوم بهـا ازوال

وان كـان دلـوك مـا تميحـه شمالـةترى الرجال يطوحونـه علـى الجـال

ورفيقـك الدانـي إلـى شفـت حـالـهاحمـل عليـه مـن المعليـق ماشـال

لـعـل رجــل عيشـتـه قـــد حـالــةعسـى تـدور زوجتـه فـيـة الابــدال

الحـمـرة تــدرك مـعـوشـة عـيـالـهوالا الرجل يبغى منه بعض الاحـوال

وان صار لك من عوص النضا زمالها تــورد بــك إلــى ســـرب الـــلال

خـلـه مــع الـديـان تمـشـي لحـالـهإن كان ماأنته للمسة الخشم حمال

لـو ربــع يــوم مقـعـدك بالشكـالـهيسـوى حـلال عايشـيـن بــه انــذال

* ونختتم رحلتنا هذه مع أبيات للشاعر محمد بن احمد بن محمد السديري يقول:

قـصــر يـذلــك لا تـقـابـل مبـانـيـهخلـه عسـى شامـخ طويلـه هدامـي

خله عسى مـا صـاب اغاديـر يفنيـهيــودع منـازلـه الطويـلـه رجـامــي

لـو زان مدخالـه وطالـت حوامـيـهشيـد علـى الخيبـه قليـل الرحامـي

وحـــي يـوريــك الـمـذلـه وتغـلـيـهانا اشهـد انـك ميـت القلـب عامـي

مــن لا يـــودك لا تـــوده وتـرجـيـهارفـع مقامـك يـا عـزيـز المقـامـي

ارفـع مقامـك عـن عـدوك وتـوذيـهويلحقك مـن تركـة رفيقـك ملامـي

حــق الرفـيـق وواجـبــه لا تخـلـيـهيلزمـك مثـل الوالـديـن الحشـامـي

اختـر عزيـز الجـار والحـق يعطـيـهشبـل علـى هــرج يقـولـه يحـامـي

ومن قارب الاجرب بالامراض يعديهعـدواه تسطـي باللحـم والعظامـي

درب السـلامـه بـيـنـات ممـاشـيـهودرب العطب يرث عليك اللكامـي

* ومن قصيدة أخرى يقول فيها:

لا خــاب ظـنـي بالرفـيـق الـمـوالـيمالـي مشـاريـه عـلـى نـايـد الـنـاس

لـعـل قـصـرٍ مـــا يجـيـلـه اظـلالــيينـهـد مــن عـالـي مبانـيـه للـسـاس

لا صـــار مـاهــو مـدهــل للـرجـالـيوملجا لمن هو يشتكي الضيم والباس

بحسنـاك يـا منشـي حقـوق الخيالـييا خالـق اجنـاسٍ ويـا مفتـي اجنـاس

تجـعـل مـقـره دارس العـهـد بـالــيصحصـاح دوٍ دارس مــا بــه اونــاس

الـبـوم فــي تـالــي هـدامــه يـلالــيجـزاك يـا قصـر الخنـا وكـر الادنـاس

مــتــى تــربــع دارنــــا والـمـقـالـيوتخضر فيـاض عقـب ماهيـب يبـاس

نـشـوف فيـهـا الـديـدحـان مـتـوالـيمثل الرعاف بخصر مدقوق الألعـاس

* ومن رائعة اخرى يقول السديري:

لا تقـرب الأجـرب بالامـراض يعطبـكيصيـر جسمـك مثـل جسمـه عليـلـي

ممشا الخطا من صافي العقل يسلبكويصـيـر لــك يــم الـرذيـلـه سبـيـلـي

وعـن مـا رد الانـذال نــزه مشـاربـكواشـرب نظيـف لــو ورادك طويـلـي

وليـاك تنسـى يـا ابـن الاجـواد واجبـكواللـي يــروم المـجـد حمـلـه ثقيـلـي

يالادمـي وان كــان كـبـرت مصايـبـكازبـن عـلـى مـحـي الـبـلاد المحيـلـي

أزبــن عـلـى رب بـعـرشـه يـراقـبـكوناجـه وبعـد العـسـر يـسـره جليـلـي

وتقبلوا تحياتي لكم منقوول