[معلومات العضو نواف محمد الصخابره]

بسم الله الرحمن الرحيم هذه الابيات مرثيه في الشيخ / سعود بن محمد بن عواد الصخابره الدوسري ... و الاخ العزيز / حبيان بن حبيان بن سليم الصخابره الدوسري الذين لقوا حتفهم اثر حادث مروري .. رحمهم الله جميعا واسكنهم فسيح جناته

جاني خبر والنوم من ناظري طـــــار = والقلب يوم اوحاه جاله ونينـــــــــــي
قالوا توٌفوا من لهم طيب الاذكــــــار =اللي لهم حشمه وقدر(ن) ثمينــــي
سعود بن عواد من نسل الاخيـــــار =شيخ(ن) رقا بالطيب قول(ن) يقيني
مرحوم يا شيخ(ن) تربى على الكار =مستوفي(ن) بالطيب طول السنيني
ومرحوم يا حبيان يا رمز وشعــــــار =بالطيب والخوه وذكر(ن) حسينـــــي
سمح(ن) نباك وفيك تستر الانظــار =بافعالك اللي ذكرها دوم زينـــــــــــي
يالله عساكم وسط جنات وانهــــــار =آمين يالمعبود وارفع يدينـــــــــــــــي
والموت حق وما عن الموت معــذار =كل(ن) وله يوم(ن) ولو بعد حينــــــي
والدايم المعبود علام الاســـــــــرار =اللي نصليله وله طايعينــــــــــــــــــي

الشاعر / نواف بن محمد الصخابره