بسم الله الرحمن الرحيم
اخواني واخواتي الكرام
السلام عليكم ورحمة الله وبركاته
واسعد الله مساكم بالخير والمسرات هذي مشاركة جديدة بدون اسم وحبيت انكم تشاركوني في تسميتها
لاصار زين وراكب له على زين=يحق له يفخر علي ويتباها
اللي وصوفه كلها مابها شين=الا غرور النفس وش هو دواها
زينه طبيعي مايبي زود تزيين=يلحق على نفس المشقا بلاها
اظمى لشوفه وانتظر واسهر العين =وارجي من الله مايخيب رجاها
بشوفة اللي ماتبسم انا لين= ابل ريقي بالعسل من شفاها
في ليلة تفرح قلوب المحبين=عقب الفراق اللي بحره كواها
ليلة طرب تزكي بريح الرياحين= تلقى بها النفس العليله دواها
وسلامتكم،،،،