قصيدة لرفيقي فالح بن محمد الهاجري
يوم" اتصل علي وقال نبي المحل الفلاني
وقلت له ابشر وجت هالقصيدة اللي سببها
اتركه للمتلقي ,,,
راكب اللي محركه يوم أحتما=كنه الكونكورد بإقلاعه لزم
زوي قيره كنها فإيد إخصما=فلكة البلجيك بالثأر أحتزم
رميته يالهاجري نصر ظلما=رمية المظلوم والدعوه سهم
قول بدو" ما بخيل إبيخدما=وأنت فرقبتي كريم وتنخدم
فقوم يافالح ترى حظي سما=نسري ليلن من سرابه ماندم
خوتك وسمن على صدري كما=مثل جدي وسم نوقه ينعلم
القلوب البيض لاجاها ظما=مارواها غير ليلن مجتهم
والعيون القشر من دونك عما=والصدور الوسع بالفرقا وهم
وأنت لي يابومحمد محتما=يوم حظي جابني لك والنعم
قول شوفي لك كمن جاله نما=ثور الثاير في جوفن منعدم
والله إني دمعي عزيزن إنما=فخنقة العبرات بي الله علم
والبخت لابوه كانه ما زما=عده المأخوذ فالحج أنرجم
والرجا مازال فيه وطالما=للفقير أعذار وإن عاش العدم
والعوض مادام لو بيده وما=والأمل ماجود والكل يحلم
مارميت برميتك والله رما=وأنت فاهم وعلّ غيرك مافهم