تكفون يا عيال عمي من له صله بالشيخ عبدالله بن فهاد الدوسري او يعرف حدا يعرفه يوصله له هالابيات ترى الحال يعلم به الله تكفون الفزعة وصلوها له .
قم يا نديبي فوق ما يعجب العين =جيب جديد والقراطيس تزهاه
صممه صنَاعة بدقة وتمكين=وأبدع بتصميمه وبانت مزاياه
فكسار تايوتا قوي الذراعين =يطربك حس مكينته في حناياه
لأقبل كما شيخ يضد المعادين=ولا واقفى كما برق تلامع ثناياه
نصه لابو فهاد طلق الحجاجين=فكاك عقدات الحبال المثناه
مدله الخطار لا جوه لافين= من عادته يعطي الجزيله بيمناه
ربعه بني زايد على العسر واللين=قوم على كسب المراجل مضراه
قله ولد عمك غزته الديايين=وامسى يجر الصوت من حر ما جاه
وانت اللذي بعد الولي تقضي الدين=وانت الكريم اللي على الطيب مجناه
ضاقت وأنا في جاشي الهم همين=والبال سارح من بلاويَ تبلاه
تكفى يا أبو فهاد زبن العزيزين=الذل يا شيخ الرجاجيل ذقناه
ارسلت مرسولي وأنا خاطري شين=ومن خوف بعض الناس تخطي بمعناه
متى على الله ينقضي عني الدين=وينسر قلب كثر تفكيره أشقاه
من سعد بن عبدالهادي ال جيعان الغييثي الدوسري