[معلومات العضو ناصر هندي الشريف]

السلام عليكم ورحمة الله وبركاته

يسعدني ان اكون احد الاعضاء في هذا الصرح الشامخ باهله

واتشرف ان ابث اليكم هذه القصيده كمشاركه اولى

واود ان تحوز على اعجابكم

يا الله اني طالبك يا باسط فجوج الاراضي=يا عظيم الشان ياللي نرتجي عفوه ومنه
ابتدى موج المشاعر والجسد فيه انقباضي=وانت يا فكري تركد واترك الوسواس لنه
يقتل اوهام المعاني بالتعابير العراضي=يوم دمعات الثكالى بالعيون يخايلنه
كل حاضر لازمٍ له في زمانٍ فات ماضي=استلم ياللي تبا المعنى وغن القول غنه
لا تقول اني عن اللي فالزمان الشين راضي=لكن الكيه تزيد وتردف الونه بونه
كل ما صادفت لي ضحكه يكون الحظ فاضي=والمصايب زوعت قلب المعنى من مغنه
العقل لا لا تلومه كان بان ابه ارتضاضي=لن تفكير الاوادم بالمصايب يقتفنه
كل ما غنيت فز القلب والوجدان هاضي=يوم كلا يظهر بذا الوقت للعربان فنه
الفرايض ما يصليها سوى من كان واضي=والنميمه بين خلق الله في ذا الوقت سنه
ياوجودي كل ما برق السما بالغيم ناضي=وجد من قفو هله واهل الطلايب يطلبنه
وانتهى موضوعه بكف البخيل واستغاضي=وارتمى بيدين عطف الذل والقوم يحدنه
عقب ما رام الطويله عاش عمره بانخفاضي=والمصايب والمشاكل والعباير يمتطنه
يلعن اللي عاش عمره يا هل الشيمه مغاضي=يوم ميلات الليالي داخل عروقه زونه
انت خصمي وانت للمعنى معى ذا القوم قاضي=يا هجوسي لا تخيب صاحبه ويخيب ظنه