[معلومات العضو الصقر الجارح 2010]

بسم الله الرحمن الرحيم

تفضلوا
--------------------------------------------------
( قصيدة مرثية في ظافر مبارك محمد الودعاني)

القصيدة

-----------------------------------------------------

يا عين هلي دمعتك لا توانين=على الذي ممشاه درب الفضيلة
يا عين هلي دمعتك لحمر العين=أبوي شيال الحمول الثقيلة
يا كم من واحد قضى عنه الدين=ما قال ذا واجد وذي مستحيلة
أبوي قرم من قروم الوداعين=محسوب عند الأجنبي والقبيلة
في مجلسه تلقى رجال محسوبين=يا مَا خيار القوم والا النبيلة
من جاه قال أرحب وحياك و آهلين= يلقى الدلال وعودٍ أزرق يشيله
بشاشةٍ في الوجه و اسلوبه الزين=وحليب خلفه مع كرامه جزيلة
ولامن حدا الحادي وجاء الموقف الشين=يصبر والى جار الزمن يرتكي له
معرب الجدين وافي اوافين=كل العلوم الطيبه تنثني له
عساه للفردوس بين الرياحين= يا جعلها مثواه والخلد هي له
طالبك يا رب السماء والأراضين=تعطيه ما يبغى وما يستوي له
فقيدةٍ مابين ربعه والأقصين= والى دعا المذن يقوم ويجي له
صايم مصلي قايم بواجب الدين=طايع لربه منحني ملتجي له
معاملٍ ربه مع العسر واللين=وما خاب من كان الولي له عميله
ما خالط الأنذال ولا الرديين=وما عاش في الدنيا بغدرٍ وحيله
لا حقد في قلبه ولا علمه يشين =ولا خير في قولن بليا دليله
فياالله يامطلق سراح المساجين = تجعله من جنب النبي أو قبيله
واختامها يا رب طالبك ذلحين=تقبل طلب منهو بكى يدعي له

-------------------------------------------------------

تحياتي

ادعوا له بالرحمه والمغفرة ولجميع المسلمين