بسم الله الرحمن الرحيم
السلام عليكم ورحمة الله وبركاته
يسرني ويسعدني أن أشارك أخواني الشعراء بهذه القصيده المتواضعه
وهي مهداه الى أهل منتدى قبيلة الدواسر الرسمي عامه
وألى جاري واخي العزيز " ابومحمد " دغش ابن بطي الغييثات (خاصه )
وكلي أمل من الله سبحانه ان تحوز على رضا الجميع لأن والله مهما قلنا
في المنتدى و اهله و دغش ابن بطي فلن نوفيهم حقهم ونترككم مع القصيده.
يقول الذي عن منهج الهون فكره شام = وعن الهون وأهل الهون والعرف قيمته
واقدر اهل التقدير والعز شرق اوشام = أو مصادق ضعيف النفس فالوقت حرمته
واحب المعرفه والمعرفه لها احكام =وانا لابغيت القاف والعرف حكمته
هذا والمثايل تزدحم فالضمير ازحام =على منهلٍ قرهود والورد زاحمته
ودعتني هجوسي للمثايل وجيت اهمام= وعلى القاف والمكتوب بالعرف ترجمته
أترجم حروف من ذهب واحكمه باحكام= وعلى الطيب لآهل الطيب بالطيب قدمته
وعلى المنتدى واهله عموم بدون اقسام = وعليهم سلام الطيب بالطيب قسمته
سلامي سلام الدين والحق والأسلام = سلام بسلم السلم بالسلم سلمته
أقدم سلامي بالمعزه وعرفٍ تام =بعرف العوارف اصخر القاف وتممته
واثني سلامي يم منهو لها مقدام = صميدع طويل ذراع والطايله هي سمته
سلامي سلامن من شروره الى الدمام= سلامٍ بختم المسك والطيب ختمته
على ابو محمد كان جاته العلوم أْجسام =يروم المعالي و النواميس رايمته
من العزوه اللي يوم الحرب رز أعلام = وارجالٍ طريق العز بالعز راسمته
سلايل غياث ليا امتلا الجو بالعسام = من وقف بوجه نحورهم رايحٍ شمته
تحت راية اللي يحكم الراي لامن قام = اميرٍ جموع الضد ماهيب ضايمته
له المجد يشهد في المعارك ابضرب حسام =يمينه رهيف السيف فروس ملحمته
مثل ما جرا يوم الشديده على الخصام = نهاراً غطا روس الضلاعين بكدمته
كلامٍ عليه شهود ماهوب قول اوهام =كلامٍ اوكاد بمنتهى الصدق نظمته
وترى مايغط الحق فالوقت رجلٍ تام =وعسى من يغط الحق تنهان ملزمته
وسلامتكم
اخوكم / ابوناصر " ابن هديهد "