[معلومات العضو مبارك بن شافي النتيفات]

قصيدة للشاعر حمد هادي المسردي

يالله يالـلـي بـيـدك الـعــز والـجــاه = يالـلـي لـخـلات المخالـيـق رافـــي
يـا مـن خلـل عبـدك ليابـان ترفـاه = ياعـالـم ٍ غـايـة خـفـا كــل خـافـي
الطـف بحـال اللـي تبـهـذل بدنـيـاه = وداج بجميع انحـا النحايـا وطافـي
يطرد ورا حظٍ عليك انـت مشكـاه = لا شك شاف من الزمان اختلافـي
من كثر ماله ساروا الناس برضاه = ولو كان ناقص قالوا النـاس وافـي
ومن قل ما بيده ترى الناس تشنـاه = لو كان يسقيهـم عسـل قنـد صافـي
فالمال كـم سـاس ٍ طمـان ٍ وعـلاه = والفقـر كـم حطـم روابـع سنـافـي
لا شك مـا للعبـد عـن حكـم مـولاه = مـن خيـر والا شـر والـرب كـافـي
مــا كـتـب للمخـلـوق لا بــد يلـقـاه = امـــا هـزايــم شـــر ولا عــوافــي