[معلومات العضو محمد الشعيفان]

بسم الله الرحمن الرحيم
هذة قصيدة قالها الشاعر الكبير رحمة الله عليه راكان بن حثلين
ويقول فيها ممتدح الدواسر في منطقة الافلاج:

الله مـن قلـبٍ تخالـف إشطـونـه=وبقعا تصفـق بـه يميـن ويسـار
يوم الزعيـم لبـس علينـا زبونـه=وأحمل علينا كـن لـه عندنـا ثـار
يـوم القبايـل والـدول يتبعـونـه=نـوى يجلينـا وراء حـد الأمصـار
لعيون مـن بالميـل يجلـي عيونـه=إنفرق الطابور لو صـار مـا صـار
ذكرت أنـا اللـي جارهـم يهملونـه=لاد زايد سلمهـم هملـة الجـار(1)
نصيت اللي ما رضوا لي بالمهونـه=نصيـت أهـل السيـح لاد عـمـار
لجـاهـم المـطـرود يستقبلـونـه=ومن الخوف يامن عند وافين الأشبار
والضيف لامـن زارهـم يكرمونـه=صيانـي تنقـل وعزايمهـم اكبـار
كـم كبـش مـن الضـان يدفعونـه=ولا مـن الحشـوان قعـدان وبكـار
السيـح ديرتـهـم ويستاهلـونـه=لا من استوى بالحمل زينات الأثمار
وريـة عليـه البحـر يفجـرونـه=بين القبايل مـا بنـي دونـه جـدار
كـم واحـدٍ مـن دونـه يعدلـونـه=حماية الأمدار فـي الموقـف الحـار
حريبهـم منهـم تشـده اجنـونـه=لاسمع عزوتهم مـن المعركـة نـار
والجوخ فـي يـوم اللقـا يلبسونـه=وسلة سيوف الهند من صنع بيطـار
والجار ما يرضون عليـه بمهونـه=مـن بينهـم ينـزل ولاكنـه بجـار
كـم خـايـعٍ مـطـرف ينزلـونـه=ويرعـون قطعـان الأزاف نــوار
وكـم عقيـدٍ عندهـا يصفقـونـه=مستجنبين الخيل مـن قـب ومهـار
وجميلهم مـا انسـاه لجـو يبونـه=ولانيـب بـرد المجـازات بــوار

1- مهملة الجار : لقب للدواسر ومعناه ان الجار يظل يتمتع بحقوق الجيره ما دام في ارض الدواسر وليس شرطاً ان يكون ملازماً للبيت.