ليت ذنبي غير فرقاك واستغفـر واتـوب
كان ماخيّم بصدري مـن الفرقـا نـزاع
سقت قلبي من شمالـه وسيّرتـه جنـوب
كيف اوادع وانت اخذت المودّع والـوداع
خافقن يلبس لك العشق والتحنـان ثـوب
مارضالـك بالمهونـه ولا جـاك بخـداع
كل شي غير داعيـك ماهـو بمحسـوب
شمس ماتشرق بوصلك مهى ضى وشعاع
وان حكوا في سيرة ابعاد عميان القلـوب
ضمّنى في وسط عينك وخل القـاع قـاع
وان خذانى فكري النازح الغـر اللعـوب
ناد باسمى ويتحدّر غروري لـك ضيـاع
وان غفا ليلـي بليـاك واعيـاه الهـروب
لك معى صوت ومواثيق وهجوسن تشـاع
قد غلبتك وانت ماعشت في يـوم مغلـوب
قل نعم وانا اعترف لك واقول انك شجاع!!
والله انى جنتك وانت راضى ومغصـوب
ذبت فعروقك وغيرت بـك كـل الطبـاع
سم باسم الله فـي قلبـي وعـد الـدروب
كيف يتبعثر خفوقي واجي لـك بانصيـاع
وكيف لاخطيت بشعوري وشفت انى كذوب
التزمت الصمت وعيونـى حكايـة نـزاع
الشاعره / أبعاد التركي ..