[معلومات العضو شُـــرُوودْ]

عذراً لصاحب الموضوع اضطريت للرجوع هنا للتعليق على كلام الأخوة من باب الحوار والنقاش ..

أخي الفاضل دوسري مطنوخ اسمحلي أعقِّب على مشاركتك :

من ناحية إن بعض المسلمين مايطبقون لبعض التعاليم الدينية .. كلامك صحيح ولكن أبداً

مهما كنا مقصرين ماراح نصفق لحماقة طاش !

لأن إذا حنا مانطبق ليه هالشيَّاب اللي قاعدون يقدمون رسالة وإمحقها من رسالة

, مايطبقون بعد !! وإلا حلال عليهم وحرام على

غيرهم عايشين بس يشوفون مساويء مجتمعهم وينقدونها وهم ولا كأن عندهم أخطاء !!

ليتهم بس يسمعون قول الشاعر اللي قال :

لاتنهى عن خلقٍ وتأتي مثله ... عارٌ عليك إذا فعلت عظيـــــمُ

وهم حقيقة مانهو عن فعل !! من باب المعالجة ! لا ..

أنا متأكدة وابصم بالعشرة إنهم مالهم هدف إلا تغيير المجتمع وللأسوأ بعد ..

يدعون للإنفتاح الوهمي , الإنفتاح المدمر !!




****

ولكن لو نشوف الاديان الاخرا ... كلهم متحفظين ومطبقين لدينهم ولا يخالفون شروطه ابد

أما عاد قويَّة ذي كلهم .. !!

أخوي أصابعك مو سوا ..!! قل بعضهم ..!! أو قلة منهم !!

لو كلهم مطبقين لدينهم ماكان شفنا نسبة الجرائم عندهم بإزدياد !!

ولا كان ظهر لنا من عندهم الأمراض والقذارات وعلى رأسها مرض الإيدز !!

والأهم من هذا وذاك :

ماكان شفنا نسبة الإسلام عندنا تزداد !! ولله الحمد والمنه ..


لذلك حط في بالك أخوي إنك أبداً ماتعمم في أي مسألة سواءً عند اليهود أو البوذيين أو النصارى

وكل قاعدة تقبل التفاوت ..أصابعي وأصابعك مو سوا ..!

انا ابين لكم فقط لاغير بأن المسيحيه واليهوديه متحفظين ومتمسكين أكثر مننا يا المسلمين

هذي العبارة هي أصح من العبارة اللي سبقتها فوق لذلك أئيدك في أنهم أكثر مننا تطبيق

وأنا أقول لك ليش :

-لأننا أبداً ماشفنا نصراني أو يهودي يحتفل بعيد الأضحى ..!!

صح وإلا لأ يالقارئين ؟؟

ومع ذلك وللأسف الشديد أصبح بعض المسلمون يحتفلون بعيد الميلاد وعيد الأم والحب ؟؟ وهذي هي الحقيقة المرة ..!! وللأسف الشديد

وترى هالناحية أبداً ماتطرقوا لها سُفهاء طاش ماطاش ولاحاولوا

يعالجونها بل وللعكس في إحدى حلقاتهم

يطبقون عيد الميلاد وبمصالة بعد !!..!

لأني مثل ماقلت لك فوق إن هدفهم الإنفتاح المدمر !!

لذا كلامك صحيح أخوي الفاضل في هذي النقطة ولمعلومية الجميع طاش ماجابوا خبرها

لأنهم ماغير يتصيدون أخطاء مجتمعهم

بدون معالجة ..!! عن طريق الإستهزاء والتنفير !! وأحياناً الإفتراء على أهل الدين بأشياء ماصارت أبد !!

يعني الحين وش هم مستفيدين يوم مدحوا الدين النصراني ؟؟؟ هل عالجوا ..!! وإلا غيره؟؟

لا أبداً لأنهم غرَّتهم حضارة الغرب واتبعوها مع نتانتها !!

وعلى فكره ماقلت هالكلام إلا لأني متابعة واقعي من كل الزوايا ولله الحمد كل شي

اتضح الآن أصبح لدى الفنانين هوس بالغرب ولكل جديد يأتينا منهم فقط لاغير !!

لذلك طاش ماطاش في هالسنة لم تنجح ولقيت معارضة شديدة وفي محلها ..

حتى بعض القنوات والصحافة نقدت طريقة عرض حلقاتهم ؟؟

ليش كلها إظهار مساويء؟ يعني حنا يالسعوديين مافينا ولاناحية إيجابية ؟؟

وأنا ماقلت هالكلام إلا لما سمعت بنفسي تصريح واحد منهم يقول إننا متخلفين !! يعني أبداً هم كارهين

مجتمعهم,,, يعني لاتحاول تتظر لحلقاتهم إنها إيجابية وعن نوايا حسنة .. لا والله اللي ماينتسبون للإسلام

إلا بالإسم ماوراهم إلا الهيـــــاط ..!!


خلاصة كلامي : إن طاش لو تكلموا مثل ماقلت عن مشكلة صحيحة هدفهم هو التخريب لا المعالجة

والله ثم والله هم مقهورين ليش إننا مجتمع ولله الحمد محافظ وإلا ليه واحد منهم منقلع لدولة ثانية !!

يعني ماعندهم نية إصلاح ..

مانقول إلا حسبنا الله ونعم الوكيل

وأعتذر حقيقةً لطول التعقيب بس حبيت أقول اللي عندي عشان تتضح وجهة نظري للجميع

ولاأضطر للعودة مرة ثانية..


بارك الله فيكم