بسم الله الرحمن الرحيم
هذه قصيده للشاعر/ عويض بن مسفر بن قحيفان الخضران في مزاين الخضران , يوم فازت إبل غاصب بن جازع آل حمران , حيث إنه فرح بفوزها . .
يامطاليق اسمعوا زين الامثالي
كــلمتــين بـينــات معــانـيهـا
ونا فدى اللي يفعل الطيب بالعاني
ما يجيب المرجله كون راعيهـا
وذا المزاين اجتمع فيه خضراني
بكـل ملحا ً غاليـه عنـد راعيهـا
الأوله جات إبلكم يابن حمراني
اخذت العليا من اللي طمع فيهـا
عند غاصب ما تبيّع بالأثماني
لو يجي له راعي الشيك يبغيهـا
واجتمعنا عند ذربين الأماني
ربعي الخضران تعرف عزاويهـا
عند ربع ٍ تكرم الضيف والعاني
سِعــد منهـم محـــزمه عند تاليهـا
ولا زبنا خايف ٍ صافقه جالي
نمنـه عـند حــاضــرها وقــافيهــا
وإن لحقنا من خذا العِرب الاجهالي
واشتبــك بارودنــا عنـــد تاليهــا
لا لحقنا رد الأول على التالي
ومن جلب نفسه على الموت نشريها
ذي فعايلنا وكل ٍ له أفعالي
والقبــايــــل كلهــا حقهــــا فيهــا
كلمتين قلتناها على بالي
ومن طلبهــا من المطاليـق بهديهـا
( والسلام ختام والسموحه على باقي الكلام )