قصيدة شاعرنا ابن بطحيه
عندي على الشطه وسام وشهادات=مع الشرف لاول بتقدير ممتاز
كنت ولازلت اصارع الوقت بسكات=عمر الزمن مايوم في صفي انحاز
وين انت ياللي تنفقد بالملمات=ياللي بساعات الشدايد لك إنجاز
هذاك راجح لويدينه خليات=خوي خويه ماخبر قيل نعتاز
من رنية السبعان لا أطراف سيهات=مامثل أبو شافي على الكايده حاز
نادر حرار رابي في الطويلات=طير السعد من هدته يشبع الغاز
في هدته مايكسب الا السمينات=من فيض مده تكرم أنفوس أعزاز
ذي عادته ذيب الخلا دوم بالذات=سهله عليه وهي على غيره إعجاز
بدعي لعود جابه بكل الاوقات=يرفل بثوب العافيه دون معكاز
الشايب اللي شفت بك منه شارات=الله يديمه دوم لك ذخر وعناز
رد راجح يقول :
ياشاكي جور الليالي سلامات=أصبر ومن يصبر على حاجته فاز
مافيه في الدنيا نعيم ومسرات=ماجاز فيها اليوم فالصبح ماجاز
دنياك هذي كنها احلوم يقضات=ولا بقايا صورة وسط برواز
والحر مثلك يفتهم بالاشارات=شرواك ياحلال صعبات الالغاز
يانسل عود ينذكر بالمهمات=اللي يهوز اعداه ماهوب ينهاز
دليل راي في نهار المتاهات=ثقيل وزن أفعول ماهوب ينراز
علمك وأمنك وحفظت الامانات=تركة حرار مادخل بينها الباز
وناخويك باليال العصيبات=تاصلك فزعاتي لو أنك بالاهواز
ركايبي في لازمك مستعدات=على انتظار منك تعطيني العاز
لجل غلاكم ياحسن بأي الاوقات=ركايبي في لازمك ترهز أرهاز
وختامها مني سلام وتحيات=تحية تمشي على زل شيـــراز
صح لسان شاعرنا ابن بطحيه الودعاني
ولسان الشاعر راجح السبيعي
تسلم وبارك الله فيك
وننتظر جزلاتك