الوطن والدين كلمتان لاتنفصل عند المسلمين
والتفاف المسلمين على راية التوحيد في عصر
تتلاطم أمواجه بالفتن والفساد يمنه ويسره
واجب شرعي وتقبلو ا هذه القصيده
مع داعي الهوجاس والفكر حساس = من راس قرناس العرب والنواميس
لاخدر القيفان من طنخة الراس = يظهر صدى قلوب تقاطر محابيس
له نظرة للناس والناس للناس = ميزانها صدق(ن) بكل المقاييس
مع كثرة أهل الشرك والهز والكاس = ياموطني يفداك ناس مفاليس
لك هامة ماتنحني رغم الانجاس = اللي لهم في صفحة المجد تلبيس
نمشي على التوحيد في عصر الادناس = لاكثر من يدعون خلف الكواليس
على الهدى نهج التقى شرعنا ساس = نهج السلف ماهوب هرج المتاعيس
أرسى القواعد راعي الدين والباس = اللي على غبر المتاهات فريس
عبدالعزيز اللي له العز مجلاس = ماهوب عبد حسين وفلان وإبليس
في ظل حكام على الدين حراس = مع زوبعات الطقس وأعتى التضاريس
نرسخ بحزم وعزم وإبليس خناس = حكم على التقوى دروعه مقابيس
وماهمنا حاسد وعاذل وبلاس = الدين واحد وأنشدوا حادي العيس
قلته وأنا ماهمني قرع الأجراس = حب الوطن والدين لاحب تقديس