يالله ياللي كل من يذكره يرجيه
..................... جزيل العطايا اللي له النود مطواعي
انا طالبك ليل حدر وامره واليه
..................... على رابي البيدان وبله تفقاعي
سمر من عصير بارقه ساري ساريه
..................... تثعل مزونه من علاويه في القاعي
ترايع ربابه من نحوره الى تاليه
..................... تخيله عيوني طول ليلي وانا واعي
زجر وانفجر بالما تقول الزلازل فيه
..................... ورجف وارتجف في عازل له تصناعي
تفرح به اللي لا رفعت ذيلها تثنيه
..................... حسين قبلها نيها يعجب الراعي
تشادي شريف مدلهم الدجى غاشيه
..................... عذاب مطاردها على كل قراعي