في احدى المناسبات كان هناك امسية شعريه جمعت عدة شعراء وكان من ضمن الشعراء الشاعرين العملاقان حسن بن محمد بن بطحيه و مانع بن شلحاط العجمي وبعد الانتهاء من الحفل اخذ الشاعر مانع يسال المذيع من ذا الشاعر وهو يعرفه كما يعرف اسمه فقال هذا حسن بن بطحيه قال اي هذا اللي مسمين على جدتهم من باب المزح فقال حسن بن بطحيه هذه القصيده موجهه للشاعر مانع بن شلحاط: |
صاحبي شلحاط ياكبر طباته=له مطبات خطيرة وملعوبه
اسم شاليط اليهودي وبصماته=يشبه لشلحاط والفرق بأسلوبه
باللكاعه محترف وله خبراته=شاعر ياخذ من الشعر مطلوبه
احترم شخصه ولا اهاب هجماته=لو خيامه بين الاعلام منصوبه
لو يأنث اسم جدي حسب ذاته=اسمنا نار على العز مشبوبه
ابن بطحيه ياشلحاط وقفاته=كان ماتدري مع العالم اعجوبه
الله اعلم كل قلب ونياته=مير مانع صاحبي نوبه ونوبه
شاعر تغري مع الناس غلطاته=وغلطة الشاعر مع الناس محسوبه
من يسرح في نحا القوم نوقاته=ماهدّف منها على البيت منجوبه
ومن لزم ناقته لزم العمى شاته=ماصفق كفه ولاحسب اذنوبه
ايه يابن عجيم جدك ورمعاته=يوم عنز منسبك طاب مشروبه
والغلا محفوظ والمزح بأوقاته= دلة بين الشواعير مصبوبه