يا شوق عين اللي طرق للمثايل=و يا شبعة عيونن من فراقك جياع
ويا وجد حاله كانه البعد حايل=وصكات بقعا تفري جيوب الأوجاع
جودي على ضحكه ترا الحظ مايل=وروفي على قلبن من الشوق ملتاع
من شاق له نوك وبرقك يخايل=فيا الله عسى لك في حناياه مرباع
جفت شعابه ياعسى الغيم سايل=عذب القراح إزلاله أصفا من القاع
أأنتي الغنيمه في عيون الجمايل=وحبك غناته لو زعل كنز الإقناع
يابسمته فالضيق والشك زايل=يامربح لشاريك ويموت ماباع
ياغايته وآأزرت عليتس الوسايل=يامطمع اللي ماهو قبلك بطماع
هذا معا حاله مسوي العمايل=لايسمع لعاذل ولا للايم" طاع
من يوم ماحبك به الوضع قايل=ويموت في حبك رغم كل الأوضاع