[معلومات العضو تركي هذال بن نيف]

اقتباس:المشاركة الأصلية كتبت بواسطة راشد المسعري

السلام عليكم ورحمة الله وبركاته

اخواني الكرام..
اولاً أشكر اخوي خميس بن مطر الغييثي على حسن ظنه بي.
ثانياً: من باب رد الجميل لمن يستحقونه .. وأحب أشكر من خلال هذه الأبيات الشيخ محمد بن عبدالعزيز السلطان الودعاني ( راعي الصفرات ) وابنه المهندس عبدالعزيز على وقفتهم معنا في أزمة والد اخوي خميّس الصحية ونحمد الله على سلامته وخروجه من المستشفى ، عسى الله يمتعه بالصحة والعافية.
وأقول:

يا هجوسي صفي الافكار صفا
وانشري لمواكبة الاحداث قافي

تجري الاقدار والدنيا تلفّا
والمواقف ماوقفها الا السنافي

عقّب اللي لا بدا اللازم تخفّا
وعقّب اللي فزعته وقت العوافي

جعل رجلن فاللوازم ما تحفّا
جعلها تنعاق عن قطع الفيافي

والصدوف اللي لها بن آدم تلفّا
خيرها في شرها والغيب خافي

تفضح اللي لادعا الداعي تضفّا
وتظهر اللي لا دعا الداعي يشافي

يا خميّس.. كان احمر العين وفّا
من ضنا ودعان والتاريخ كافي

أشهد إن الزايدي وفا وكفّا
يوم ولد اللاش عن واجبه غافي

عند ابن سلطان حبر المدح جفّا
يوم مثله في علوم الطيب وافي

جعل تفداه الرخوم اللي تزفّا
في سما الاعلام لو العيب ضافي

ومن تردى حي.. لامنه توفّا
ويش أبي به جعل تسفاه السوافي

اخوي / راشد بن محسن
تحيه طبيه وبعد
الله الله عليك وصح السانك

ومن تردي حي 00 لامنه توفا =ويش ابي به جعل تسفاه السوافي 0
المثل الشعبي (الماء مايغطه النبيث)تجلت الشاعريه 0

والشيخ شابان بن قويد رحمه الله

قالو له فلان مات نبغى نصلي عليه فقال لهم مانيب مصلي عليه مانفع على الدنيا فينفع تحتها 00

تقبل شكري وتقديري 0