من نصاكم يالدواسر صار مرفوع الجبيني = ومن لفا آل ابريك يبشر بالمعزه والتحايا
الدواسر كالجدي مشهور مع طول السنيني = يستدل ابه المسافر والركايب والسرايا
الدواسر خصمهم وسط المعارك له ونيني = افتخر فيهم وقول الشعر من داخل حشايا
والقوافي لابغيت الشعر مجبوره تجيني =ونظم الاشعار لآابريك ورسلها هدايا
وخص شاعرنا محمد صاحب العقل الرزيني = شاعر ن فيه المراجل والمروه والحمايا
من صناديد الدواسر فالشدايد ماتليني =هم هل الطولات وهل الجود ملاك الرعايا
الدواسر فالملاقا تضرب ابسيف ن سنيني =لانخاهم من نخاهم جتك ماتخشى المنايا
الدواسر للوطن والمملكه درع ن حصيني = والقبايل كلها درع الوطن عند البلايا
الدواسر كالاسود الضاريه عند العريني = اشد التاريخ والشيبان تعطيك الخفايا
كل ماقلته صحيح وكل شاعر له ضميني = والدواسر فاللقا تاطا على روس الحيايا
والشعر من دون تحديد الهدف ماله رنيني =والقصيد الجزل ماهو ياحسن مثل الروايا
والختم صلو على اللي للبشر قلبه حنيني =النبي الهاشمي اعداد ماتسري المطايا
الشاعر بدر بن سلطان بن حسين بن محمد التمامي وسلامتكم