على ارض القصيد وساحة الشعر والاداب=بلادٍ سمت بين الميادين نجدية
على ارض الرياض اللي لها فالديار حساب=وتاريخها الماضي تنومس طواريه
أبكتب قصيده لا انفتح للقصيد ابواب=وقصيدٍ بلا ماجوب ما نيب من حيه
شعاني الامير اللي فرق باول الشباب=ورقى في دروب المجد لاعلى مبانيه
حفيد الملك وابن الملك زاكي الانساب=عريب الخوال اللي له البيض مبنية
بليلٍ طغت به زمرة الموت والخراب=تعزوى وقال: العز والموت بيديه
نزل للمواجه صادقٍ صامل(ن) ماهاب=وليل الغدر فيه الخفافيش مخفية
بنصف الشهر... بدر السما كاملٍ ما غاب=وبدر الشباب بدارنا بانت اضوية
تنومس بفعله كل عودٍ وطفل وشاب=وله غطرفت عمهوجةٍ رمشها فيّه
ونخيت القصيد وكل شيٍ يجي باسباب=ولاغير ابو تركي يسيّر قوافيه
جمعنا الوفا والحب لاغلى ثرى وتراب=وفخرنا ليا قالوا: بلدكم سعودية
أجل.. ترتفع هاماتنا والمدى السحاب=ورثنا المفاخر ورث ما جات عارية
ولا من فتح لاهل الخرافات درب وباب=لنا وقفةٍ في الحق ما هيب منسية
يطوّل ظما من تاه يطرد ورا السراب=ومن يرد صافي العد حاجته مقضية
وفي دارنا نعرف الكل الكلام اعراب=سوى كلمة "الارهاب" تخسا ومنفية
الشاعر الكبير قدر(ن) ومكانه صاحب الابداعات الفريده التي تبهج الناظر
وتسر الخاطر وتملك الفوأد بما تحتويه من عذب القوافي ونظمها.
الاخ العزيز الشاعر المجّيد ابومحسن " نايف بن مسرع المسعري "
صح الله السانك وعتلا شانك في سماء المعزه والمقدره
نعم نايف بن مسرع اذا ذكر الشعر والشعراء تذكر في مقدمة الركب.
واسأل الله رب العرش العظيم ان يعز الاسلام والمسلمين وان يكفينى شر
من فيه شر وان يكون في نحورهم.
الأمير عبدالعزيز بن فهد هذا الرجل الذي اجبر الجميع على احترامه وتقديره
بحكم مايفعل من اعمال لها وقعها على الجميع جعله المعزه.
وليس غريب عليه الشجاعه يكفيه انه حفيد صقر الجزيره.
اكرر شكري وتقديري واحترامي في شخصك العزيز يابومحسن
اخـــــــــوك/ فــهـــد الــغــريــري,,,