السلام عليكم ورحمة الله وبركاته حبيت اطرح لكم قصيدة الشاعر الكبير نايف ابن مسرع المساعره
في الشيخ سعد بن مسفر ال طاقان شيخ قبيلة العمور بمحافظة الاحساء
اشهد ان المدح ماهوب يتهيا= كود للي طيبته طبع وسجايا
وان بغيت امح مدايح عذر عيا= هاجس ماحث للخامل مطايا
وانت ياللي جامع هذي وذيا= الكرم والطيب من بين البرايا
ياحفيد الجود من حيا وبيا= ياوريث اللي يقودون السرايا
ياسعد سعد الخوي راع الحميا= ياصليب الراس ياسهم المنايا
ياخفيف النفس ياطلق المحيا= ياثقيل الروز ياعسر السويا
في سواتك بنت فكري ماتريا= كنها تعطي على مدحك هدايا
تضفي الجلباب عن ذكر الدنيا= وشردها تنقاد في مدحك عرايا
وهكذا قد انتهت القصيده واتمنى انه نالت على اعجابكم