ضاقت بي الدنيـا تصبّـرت وآمنـت
يالله عسى بالضيق تغفر ليّ ذنـوب
من مرّ مآ واجهت في عمريّ أيقنـت
إنّ العبيد إضعوف والـرزق مكتـوب
عن ماجرالي فـي حياتـي تمعنـت
للصبر أجر والحمد بالخير مطلـوب
على كثر ما عِشت همـي و حزنـت
ما شفت مثل الضيقِ لآ زرّ منكـوب
واتلّ قلبي من القهـر مـا تحصنـت
لا ساري" برضـاي ولا خابـر دروب
وآشحط حالي شحطةّ زقارتّ الكِنـت
يا مِهلكن شاربه يـا مولّـع شْبـوب
عليـك ياحـظ ٍ بسعـدك تمنـنّـت
يوم السعد يبْخل ولا تْدّسَـم جيـوب
أكتب وانا أعقل من حروف وتجننـت
وأرفع وأنا أكسِر من الهم منصـوب
لآني على ما فات يا حظـي آرهنـت
واضحك على لبْن" مع الوقت مسكوب
ما دامي أبدع بالقصايـد فـلا هنـت
إن جا هجينـي ولا روّح بمسحـوب
لا ضاق صـدري يامحمـد ودندنـت
قُمتّ أندبَّ القيفان والبحر مشـروب
لابوه شعرن يوم انا ضقت ما آشحنت
و شفايـدةّ غنّـا ولا ولّـع قـلـوب
ولوّ أدريّ إنّي فالشعـر مـا تفننـت
أقسم قسم لآ أتـرك الشعـر وأتـوب
وش خانتي لاَ مِـتّ يـوم وتكفنـت
لاصار ما ليّ بيت عن ذكري بيّنُـوب
البارحه .. ضاقـت علـيّ وتبيّنـت
إنّ العمر له حـدّ والوقـت دالـوب
تجري دواليب الزمن وين مـا كنـت
وأبقى على عدّ الرجا والامـل كـوب
وأبحث عضيدي فالجهد واذكركّ انت
حتيش ليّ ذخرن وحتيش محسـوب
والله لوّ تبعد عـن الشـوف سكَّنّـت
الودّ بيتن آنبنى طـوب مـع طـوب
اسمك حفرّته فـي خفوقـي ولوّنـت
لونين بالحشمه .. ولونين مآجـوب
كم كنت قاسي طبع إلى عزك ولِنـت
يَفداك مِن يَصلَّب على رضختّ إجنوب
بدعـت طاروقـي لعينـك ولحنـت
وشلّيتها عِزّه علـى هيّبـةّ أسلـوب
ماقمت اطرقّها صُبّا مِنّ غـلا بنـت
ولا قمت الحنها رجا حـب محبـوب
صنفّتها ياخـوك لأجلِـك و دوّنـت
ياعلِّ جَحّادِك على الشيـن مغصـوب
وإن ضقت يامحمد تصبّرت وآمنـت
ياعلّهـا ياخـوك تدمحلِّـي ذنـوب