يـالله يـالـلـي لـه عبيـده تـصلـي
ملجاي لاشانت وجيه الشحاحي
أنـا لـي الله يـالـرفيـق المـولـي
مانيب من يتبع سراب الضحاحي
عديت في راس الطويل المطلي
قبل الغروب بجال وادي نساحي
رجـم عسـى الـودان فـوقـه يهلـي
رجم السباع ورجم صلف الجناحي
جيته من اللي بين الأضلاع حلي
وقف قدم رجلي وعاف المراحي
سجلـت بـه قبل الشفق لي سجلـي
بالطرس الأزرق في جميل الصفاحي
من شان قصة مطلب ماحصلي
بالألف واحد فيه نسبـة نجاحـي
عميلي اللي بالوفاء صافي لي
بـار بعميله من جميع النواحـي
يـرضـيـه بـالـدنـيـا هـوانـي وذلــي
وين الوفاء ياهل القلوب الصحاحي
أنـا أحسـب أنـك بـالشدايد حملي
وأثرك عوين اللي يسره مطاحي
شـان الزمـان وشـان دلـك ودلـي
والكـل منـا جعـل دربـه سماحي
منك الدقاق أشوفها جات جلي
وأخلفت ظني يابعيد المشاحي
القلب من كثر الهواجيس ملي
يرمي به الغربي ونود الرياحي
ابرد معاليق الحشى بالتسلي
من صالي بين الصناديق ماحي
مدري متى يسعدني الحض باللي
قربـه فـرح قلبـي وطب الجراحـي
مـافيـه شخـص مـن الملا مايزلـي
لو هو سليم وجوهر العقل صاحي
وصلوا على اللي تابعه مايضلي
عـد النبـات وبـارقـه يـوم لاحـي
للشاعر / محسن الدوسري
وتقبلوا خالص تحياتي
أخوكم / نااااصر