إيه ياجـرح الخطـا والعنـا صبـر ٍ جميـل=ضاعت الدبرة وانا اللي على الشـدة شجـاع
ياحسافـة وقتـي الغالـي وليلـي الطويـل=وانتظـاري واشتياقـي وهمّـي والـصـداع
لا جـزاك الله ياحظـي القـاسـي البخـيـل=كيف تطرحني علـى غفلتـي تسعيـن بـاع
والله انْ دمـع ٍ تحـدر علـى خـدي هميـل=مايروح بغمض عين ٍ ضيـاع ٍ فـي ضيـاع
ليتني من جـور الايـام ماخـذ لـي دليـل=كان مادخلـت انـا والليالـي فـي صـراع
عقب ماكنتـي لـي الحلـم والظـل الظليـل=والله انك صرتي الحين مـن سقْـط المتـاع
والله اني ما انقض العهد لـو حملـي ثقيـل=ويعلـم الله سـرّ الاجـواد عنـدي مايـذاع
ولـد نـاس ٍ صبْيهـم مايميـل ولا يعـيـل=مالـه بهـرج القفـا لاسمـاع ولا استمـاع
الخطا مـا اخطيـت لافـي كثيـر ولا قليـل=وانتي مايخفـاك يابنـت سلمـي والطبـاع
انتي مثـل اللـي تركّـا علـى شـي هزيـل=وماوعى الا هو طريح ٍ تعلـق وسـط قـاع
اشهد انـي يـوم لاطفتـك وطعتـك هبيـل=ولا ويش اللي حدانـي علـى ظبـي الرفـاع
والله اني حاسب حساب ( قالوا لي ) ( وقيل )=لكـن امـر الله مضـى ماعنـه أي امتنـاع
مانـي بقـدّك ونـدّك ولانـي لـك قبـيـل=انتي امرك لانويتـي الأمـر غصـب ٍ يطـاع
كنت ما احب المفـارق ولا اطيـق الرحيـل=وما أداني ياطعـون القفـا طـاري الـوداع
لين شفت الغبن واديـه فـي جوفـي يسيـل=والخطا في القلب ينهش كما نهـش السبـاع
برحل وباخذ معـي جرحـي وقلبـي الغليـل=رحـلـة ٍ والله مابعـدهـا أي اجـتـمـاع
والله انك يالخطـا شايـل ٍ سيـف ٍ صقيـل=تجلـب بخيلـك ورجلـك ونظراتـك وسـاع
طول عمـرك تجلبيـن الخطـا وزن ٍ وكيـل=يعني ظنك كـل مايجلـب ويعـرض يبـاع ؟
كثر ماشفت الخطا منـك يالطـرف الكحيـل=صرت اظن ان بينك وهالخطا صهر ورضـاع
كننـي ويـاك مثـل المبـاحـث والعمـيـل=واحد ٍ وضعه هجومي وواحـد فـي الدفـاع
آه ياقلـب ٍ مـن الحـزن واللوعـة عليـل=بينه وبيـن الشقـى والوهـم دون الـذراع
كن صدري فيه خيـل ٍ لهـا وقـع وصهيـل=تقبل وتقفـى وكـن الصـدر أرض ٍ وسـاع
والله اني طايح ٍ فـي الوحـل والليـل ليـل=لين فك الله خفـوق ٍ نشـب حتـى النخـاع
انتي انتي من عرفتك ولافـي الحيـل حيـل=طالبـك تكفيـن شيلـي الستـارة والقنـاع
كـل شـي ٍ بـان ياقـلـب والله الوكـيـل=عظّم الله اجرك اليـوم فـي سقْـط المتـاع
:
:
: مما راق لي