الوقت صيف ولكن الجـو غايـم
به نية الهتان فـي قلـب ديمـه
البعد حاله حال والشوق ضايـم
والصبر علّة والرجاوي حليمـه
القلب له غاية وتسـوى تمايـم
والعين ترجي والأمانـي يتيمـه
مشتاق لك ياللي خلاتك عدايـم
بعيد عنـي و المحبـه مقيمـه
واناعلى بعدك عن الضحك صايم
كن السعادة في غيابـك جريمـه
تبرأ على حالي هبوب النسايـم
كلما شهقت آأقول لبـأ نسيمـه
مالي على حبك من الخلق لايـم
غلاة حبك لي مكـارم وشيمـه
لاني على شوفتك بايـع وسايـم
ياقيمة" تطغا على أيـآت قيمـه
يديمني ربي علـى العـز دايـم
وأنتي غديتي عز ربـي يديمـه
أشتقتلك وانا مع الشـوق هايـم
في لحظتن بالضيم يآهي كريمـه
حفرت حرف بحرف والطرف قايم
دعيت ربـي والنوايـا سليمـه
شملي وشملك ياعسـاه يتلايـم
يوم إن حال البعد ربـي عليمـه
طولت بالغيبه وآسووق الغنايـم
يامنّ عليّ شوفته أغلى غنيمـه