ياللي تذاكى عالكريم المكر فالشيمة غبا
ولاهو ذكى فعل الجميل بطبع شهم تعيّفه
فعلا"إنك لوتـبي خسـرة حـلالك فـالــربا
مثلما إنك لوتــبي تخـسر رفـيـقـك سلّـفه
قولة إنك مـحزم" وقـت الشــدايد فـتهـبا
وقولك إنك لابن مسعر محزمن ما شرفه
سبحانه اللي قال سيماهم هالوجية شهبا
وزادها شهب الوجــيه افـكارها متخـلّـفة
ياشحيح" من زبن وجهك على همه عبا
لو ما نفـعته لا تـذله بمو أنا اللي مخــلفه
خلك سموح لمن نصا وجهك تهلي مرحبا
وإن كان ماعندك فلا تربـطه ثم تصـرّفه
يانعــنبا من لا يجـــير ولا يـسـر يا نعــنبا
ودك تقــوم لشــاربه بيسراك ثم" تـنـتفه
لابو البخيل اللي يشرق صاحب" له غربا
هــذاك كِنه مـن يعـزم الـذيـب ثم يــعــلّـفه
البخـــيل اللي لاجيـته جات نفــسه كــهربا
لابـوها نفسه ثم لابـوها نفــوس مطـــرّفه
ماقد فعلت لفعلتك من كنت في عهد الصبا
خل عاد أسويها ونفسي من ذنوبي مكلّفه
وآلحين كانك تنكر المعروف يلحقك النبا
وقوم يامرسول خذ مني الجواب وغلـفّه
الشجاع اللي جواده في لقـا الهـية كــبا
وش يفيده لوشـجاع وذي يديه مكــتـّـفه