يارفيقـي يارفيقـي ماعلـى شـرواك زودي
شوفة لشـرواك عينـي وربـي إنـه سرهـا
يارفيقي في زمنـا نازلـن رغـم الصعـودي
إن سلمـت بفرهـا مـا انـت بسالـم كرهـا
ويارفيقي ماعلى وجه الزمن شرهـة وفـودي
لاتــدور خيـرهـا الله يكـافـي شـرهــا
صح ربعي آل زايد والمساعـر هـم جـدودي
وإني نسل آل بالحسن روس الغـزاة وزرهـا
يعني ربعي روس قوم وفي بطاقاتي سعـودي
ومهما كنت دنياك ماهب أسـم جـدك غرهـا
وكانه إني في عيونك نخله بطبـع الصمـودي
فأنت فعيونـي كمـا هالساقـي اللـي يمرهـا
لولا ربك ثم جنابك كيف أبصمد فـي بـرودي
وفي ضلوعي تشتعـل نيـران تلعـن حرهـا
والوجيه اللي تطرى شفتنـا منهـا جحـودي
نعنبوهـا مـن وجيـه ولابـو فكـرن طرهـا
لاذكرت لضحكهـا عـودت أغنـي ياوجـودي
ضقـت مـن ربـع الرخـا لله يلعـن درهـا
هالوجية وقت الشدايد ماتشـوف الا وعـودي
خلهـا مثـل القنـاه ماتعجبـك قـم فـرهـا
لاأحتاج أبشربه نصا ولاأحتجت أبشربالصدودي
لاجاك تعطي من عسر فاليسر عنـك يصرهـا
لو تدين شلت هم ولايطيـب إلـك الرقـودي
ومال لك لامن طلبتـه كنـك ياخـي إتطرهـا
نـاس لابوقلبهـا ويانعنبوهـا مـن كبـودي
جفسةن فطـره عسـى هـم الزمـان يعرهـا
صح صنع إسلام لكن شرط تجميعـه يهـودي
يالله إنك فـي بلاهـا مـن بلاهـا إتضرهـا
واليوم ياوجه الرفاقة ياكريمـن فـاح جـودي
لوهي نفسي جاهاقيـظ الوقـت تكفـى ذرهـا
لوهموم"فـي ضلوعـي ياعساهـا ماتعـودي
إن عجـزت بشلهـا طالبـك عنـي جـرهـا
لك علي أحفظ جميلن بأقصى ماتاصل حـدودي
و لي عليك (ذكري) 'بحد إشفاك' يوم يمرهـا
ويارفيقي لوأكون بعينك<النخلـه> لصمـودي
ماتموت ؟! <النخله> لوما (الساقي) يوم يمرها