مالوم عيني الى مـن دمعهـا سالـي=وارهت على جيب ثوبي دمع حاجرها
في كل حين نوادع صاحـبً غالـي=في رحلتـةً مايعـود مـن يسافرهـا
من جاه دوره رحل والحـزن لتالـي=بقعا تكـدر حيـاة اللـي يعاشرهـا
احبابك اللي لقاهـم يشـرح البالـي=قدام عينك تشوف المـوت قاهرهـا
مافي يدك حيلة في بعض الاحوالـي=بعـض المقاديـر ربـي مايوخرهـا
الامر للواحد اللـي فالسمـا عالـي=نفـسً يقدرلهـا واخـرى يقـدرهـا
كم واحدً مـات ماحقـق لـه امالـي=روايـة الحلـم ماجفـت محابرهـا
غره بريق السـراب بتختـخً خالـي=حتى وطت حلمـة الدنيـا بحافرهـا
ياغافل اصحا قبل قصـاف الاجالـي=وتخسر حياتك من اولها الى اخرهـا
ماتعتبر فـي رحيـلً فيهـم زالـي=من قبل ورادهـا يلحـق مصدرهـا
=