قصيدة جديدة أرجو أن تنال أستحسانكم مع الإعتذار من تقصيري
الضيقة اللي تصبحني وتمسيبي = وش عذرها في ابن ناهش ويش موجبها
ياساري الليل نجم الليل يدريبي = ليتك قبل ماتخربها تحسبها
ان كانه اخطى دروبه والمواجيبي = يمشي ورى الهرج والزلات يكتبها
لاصار ذا راس ماله والمطاليبي = ماشاف سبع الظواري يوم يغظبها
ياخي عليك الله اكبر عالم الغيبي = بالله على مين يامجنون تلعبها
في نعمة الدين ماجاتك مناديبي = اقدم الطيبه ما ابغى عواقبها
لاني كذا منقع الشجعان يالذيبي = يوم ن حجيج الحرم في الحج تسلبها
حظي نصيبي وربي فيه يمشيبي = والله رحيم ن بخلقه مايخيبها
ولا انت عيب وكلامك مافرى جيبي = الانذال تحتال والحيله تقربها
مادام طيبي غدا في معدني عيبي = احسن من اللي سواد القلب معجبها
أنا سحاب الحيا بطنان وشعيبي = وانا سحاب العذاب اللي يخربها
أسأل وجاوب ترى ماعندك مجيبي = جمهورك الشهم مايعرف يجاوبها
ياكومة القش بطن الغش والريبي = مايستوي ناشر النعمة وحاجبها
أوهامك الرقط وظنونك عذاريبي = تكفى شياطين ظنك لاتكذبها
دنياي ذلحين لاتودي ولاتجيبي = من حاش شاش وتوطى الناس كاسبها
غيبي طبيبي وخيل العز توميبي = تباعة ابليس رب الناس يدبها