ياصاحبي لالحق في الطيب مجحوده=والناس لذل تصنع في حوايجها
هذي طبيعة ردى في ناس معدوده=ليا ستر داخله ويغر خارجها
وقت الرخى تستعد يمناه ممدوده=كن الصعايب يمينه لك تعالجها
واليا احتمى الوقت وجات النار موقوده=جنب يمينه ليا حجت حجايجها
دام الفعل منبعك والسمعه موجوده=سند مناهجك واترك سخف منهجها
مايْدخن الطيب لمنه برد عوده=والمرجله خيلك ويمناك تسرجها
وحظك ليا عوكس وبيبانه مسدوده=ارفع ايدينك دعا لله يفرجها
مايجحد الطيب وينكر وافي عهوده=الا ضعوف البشر والناس تسهجها
والصبر ياصاحبي خلك على بنوده=يكشفلك الي تعجل في نتايجها
والصدق خله بلادك ونطقك جنوده=منجا ضمير النفوس الي توهجها
وضعيف نفس(ن) تحده قوم مطروده=على الردى همها ذا الناس تدرجها
تستوحده ذا البشر وتنهش عضوده=حية رمل تستر الخدان عارجها
ولا القوي تتركه واتظل مبعوده=فطين قوم(ن) يتصبر في مخارجها
حر(ن) تعلى السما من ياصل حدوده=ولا على السيف راسي كود بارجها
والضايع اليا حكا ضيع في مقصوده=ناس تهذري حكي ملحه تْسمجها
والخبل لمن حسب في الغير منقوده=عينه على الناس يفكر كيف يحرجها
ياصاحبي لالحق في الطيب مجحوده=سند مناهجك واترك سخف منهجها
وسلامتكم