الصبر هجّ الصدور اللي تملّ ولا تونا=والظروف اللي تمر الحال ياآآهي منهكه
للوقت سيف" لو فراغه مانقضا قام وطعنا=وحظ لوّ ما الله وفق ما طرح فيه إبركه
والعين لو تشتاق..تسهر..تذرف الدمعات عنا=ماتذوق الحب لكن هي شرار التهـلـكه..
وقلب مغلوبٍ على أمره لوْهو في حبه تعنا=الغـلا شيء" عظـيم وكل قلبٍ يــدركه
والعذول اللّي بحربه قام غاراته تـشـنا=لابـو عاشق عن ولـيفه فرّ يوم المعركه
باذود نفسي عن هواها مثل ذودي عن وطنا=حامي" لحدود شفيّ كني آحمي المملكه
لابو رمح ٍ عن طموحك ياخفوقي ما يسنا=ولابو بندق عن حدود القلب ما قمت أفلكه
بس وينك ياعذابي ياللي في ظلمي تهنا=مشرع ٍ لك خافقي وخفاقك أنت مصككه
يابديع الحسن لوني جيت منا تروح منا=دلني تكفى طريقك لوهو موتي بأسلكه
صح ماني قادر ٍ أحقق اللي له تمنا=وصح ماني مارد ٍ فأبريقك اللي تفركه
بس قادر إني أغليك بضمير ٍ لك تبنا=وفي ضلوع ٍ من فراقك هِـدّمَات مدككه
والله إنـّي مْكّـد لغالي وسأ بحسن ظنا=موثق ٍ وده وهو بالود فيني مشككه
قبل أعرفه ( يا خـوي ) والضلع صلب ٍ مايحنا=وآلحين عاين ذي ضلوعي بالفراق مفككه
القـلب غصب ٍ لا سمع صوته على الهاتف وغنا=رقص لخفاق عَـايش حـالـف ٍ مـا يتركه
ويش أسوي والرجال اللي تهيـم ولا تـدنا=ويش فـيها لو معادنها ياخوك مـحـكـ حـكـه
الهـوى ,,والقـلب ,,والأشواق ,,والفـرقا ,,وحـنـا...=خمسه وكل واحد ٍ منا بطعم و يشبكه
والضمير اللي بصادق ذنبه اللي به تجنا=ما تزكـيه الدعاوي والعواذل مشركه
والهموم اللي تجول الصدر غم وتمتحنا=لو نفكر فيها لحظة بنكتشفها مُضــحكه
الصـبر كــايد وصدري مـلّ ماهـوب يتـونا=والظروف اللي تمر الحال فـعــلا ً مُـنهـك
أخوي مبارك الجوير
أبدعت في هذه القصيده الغزليه رغم قافيتها العسره وأبياتها التي تحتاج لنفس ٍ طويل
صح لسانك ياشاعر واعتلى شانك