لاينشد وقلبي له الدمع مكشوف=وجرحي يعانق دمعته الي ذرفها
ذاك الوداع الي جمع قسوة ظروف=بين العشيق الي حياته زهدها
عقب الغلا الي في خفوقي ومخطوف=سبايبه غرو(ن) حروفي ملكها
لمن غدا جرحي على الرف مصفوف=وافراح قلبي من خفوقي هجرها
سلملي قلبي من على الخام ملفوف=عقب الغلا الي في خفوقي حشمها
لمن خفى شوكه مع الورد مقطوف=يجرح يميني شوكها الي سترها
يومي فقدته كن شمسي بها كسوف=وكن القمر حوله نجومه سجنها
كني الضرير الي فقد نعمة الشوف=ولا السجين الي حياته خسرها
امسى غرامي مجلس جروحه ضيوف=وفنجال همي من ايدينه شربها
لاينشد وجرحي من الدمع معروف=بيغتال قلبي والجنازه حضرها
وسلامتكم