السلام عليكم ورحمة الله وبركاته :
لايخفاكم ماتداولته منتديات الإنترنت في اليومين الماضية
حول قصة الذئاب البشرية التي حاولت بالصوت والصورة
إنتهاك أعراض بعض الفتيات في أحد شوارع الرياض..
أمر يندى له الجبين ويعتصر له القلب ألماً ولانقول إلا
حسبنا الله ونعم الوكيل..............
وكلنا أمل في الله عز وجل ثم في الأمير المحبوب صاحب المواقف المشرفة
سلمان بن عبدالعزيز وفقه الله أن ينهي هذه القضية
بالقبض على مرتكبيها ليلقوا جزاءهم الرادع ويكونوا
عبرةً لغيرهم...............
حول هذا الموضوع كتبت( هجينية) بسيطة عسى أن
تلقى بعض قبولكم........
ياملّ قلبً على ملّة=مفتّت الحال تفتيتي
من مشهد إوحوش(ن) إمظلّة=في شاشة النت في بيتي
(سلمان) ياباهي الطلّة=ياالشامخ الذايع الصيتي
ياأمير سيف العدل سلّه=طيّر إرقاب السرابيتي
حكم الشريعة وحكم الله=لاعاش حكم الطواغيتي
ذباب(ن) إيسبّب العلة=إعلاجهم رشة إفليتي
لايفلت المجتمع كله=بأسباب ناس(ن) مفاليتي
ويابنت ياإضحية الشلة=في الشارع المظلم أخطيتي
تستّري داخل الفلة=لايقرب القاز كبريتي
السافل إمضيّع الملة=يجنّبك لاتغطيتي
عدونا زايدن غلّه=يطرب ليا شافتك أغريتي
أسّس محطات منحلة=وإبليس ينخا العفاريتي
يبغى الموازين مختلة=وإيشتت الخير تشتيتي
مير الوعد ساعة الذلة=للحشر ساعة وتوقيتي
الخل ماينفعه خلّه=غيرالعمل حيّ(ن) وميتي
يارب لاتكشف الخلة=لاطار ستر المكابيتي
سايلك يوم الحشر ظلّه=وفي وحشة القبر تثبيتي
وسلامتكم........أخوكم برق الجنوب