تقول لي يافجيح مالي وليفه=وابشرك عندي وليفات وكثار
بختار لك وحده ولوهي كليفه=لاشك عندي ماتساوى بالاسعار
حبيتها يوم البنيه عفيفه=بنتا مع اهل الطيب تذكر بالاخبار
عشقتها وانا اشهد انها شريفه=وعشق الشرف معروف في كل الاقطار
عشقي لها ماهوب خط بصحيفه=عشقي لها اكبر من شخابيط شعار
واكبر من روايات ناهد خليفه=ابختصرها والتمس كل الاعذار
دمي فدى حبي ولاهي نصيفه=برخص لها الغالي ولوصار ماصار
اضنكم تبغون عرف الوليفه=اللي خذت قلبي وشعري لها سار
ترا البداوه عشق قلبي وريفه=اقولها واعلن بها سر واجهار
ياماحلا عل الوسم عقب صيفه=وشوف الفياض اللي تباهت بالازهار
وطير ام سالم زين شوفت رفيفه=في خائعً من الصيف ماجاه دوار
يازين نواره ويازين طيفه=وفيه اجتمع ريح الخزامى والامطار
وشوفت مجاهيمً خلاف العسيفه=وقدامها بيت النشاما به النار
والنجر باعلا الصوت تسمع دفيفه=ودلال رسلانً بها بن وبهار
في مجلسً مافيه نفسٍ كسيفه=لامن تلافوا ثم تمالوا بالا شوار
وكلاً يقول الراي من حر كيفه=هذي مناتي ياطويلين الاشبار
اعلنتها في كلمتيناً خفيفه=من شان ماينشد عن الحب ثرثار