[QUOTE=دغش البطي] السلام عليكم ورحمة الله وبركاته وبعد هذه القصيده قلتها عندما كنت في دورة تدريبة في إحدى البلدان الأوربية وذلك عندما رأيت المناظر اللتي لاتليق بالمسلم ولايليق بها وكتبتها موجهها للأخ : شخبوط بن محمد المقابله وكلي أمل بأن ترقى لأذواقكم العاليه.
عسى السيل يسقي دار الاجواد ْ ياشخبوط=عساهـا الحيـا والله يعـمّـر مبانيـهـا
ديارٍ بها التوحيد فـي حكمهـا مربـوط=وحكـم الشريعـة منهـجٍ مـن مباديهـا
عساها بعد دار نشـتْ بالزنـى ( ........... )=وجميع المعاصي والبـلا ينتشـر فيهـا
ديارٍ تجاهـر بالبـلا والحيـا محطـوط=وأهلها عصـاةٍ دندنـت فـي معاصيهـا
رجاجيلهـم تستـروْ والبنـات إزلــوط=عليهم غضب ربي إليـا حـان داعيهـا
فمادمتنا فـي ذا البلـد مانـيب مبسـوط=عسـى الله يزيـن يالسنافـي تواليـهـا
فلولا قوانيـن العمـل مرتبـط بشـروط=حـرامٍ عليّـه ماأنتظـر لحظـةٍ فيـهـا
ولو أدفعولي من الذهب نوط فوق النوط=ربيعي وعيدي شـوف عينـي مشاهيهـا
ربيعي وعيدي والنشامـى علـيْ إقلـوط=وكل أبلجٍ نفسه علـى الطيـب غاذيهـا
على دلة صفراء مع الطيب والمصفـوط=وسوالف إرجالٍ تعجبـك يـوم توحيهـا
فسقى الله نهار لانزلنا المطـار إهبـوط=مطـار الريـاض الله يحفظـه وأهاليهـا
على شان يبرى خاطرٍ من العنى مضغوط=وترتـاح عيـنٍ تشتكـي بٌعْـدْ غاليـهـا
هذي موجز أخباري ونصيتهـا شخبـوط=عسى الله يحفظ المملكة هـي وأهاليهـا
تقبلو ودي وتقديري
محبكم الدائم : دغش البطي[/QUOTE
ياسلام الله عليك يالشاعر البيطار// دغش البطي
لاشلت يمينك ولاهنت يالغالي على نضم هذه الدرر التي لايجدها الا امثالك.
كل بيت عن قصيده وقصيده عن ديوان ماشاء الله.
اخوك ومحبك // رجوم الشياطين