بسم الله الرحمن الرحيم
القصيده التاليه قلتها في موقف حصل قبل اكثر من خمس سنوات ولاجل ان الموقف تكرر في هذه الايام طرت علي القصيده ولو اني ضيعت بعضها اقول وعمركم يطول
رب يالي نقصده في كل حاجه=عالم ما كان غفار رحومي
همي يالي طال ماشفنا انفراجه=حكمة الله يابراد ويا سمومي
عيب يالي غادي كنك خواجه =تحسب ان وطي الزهر وطي السهومي
حس رجل والفعل فعل الدجاجه=مااستفدت من الرجال الا الهدومي
فالمراجل مثلها مثل الزجاجه =حفظها لاتنكسر يبغي عزومي
كم رفيق شفتنا منه السماجه=وكم خوي نادر ترثة قرومي
ذا كلامي مير صابتني لجاجه =ولجت ضلوعي وقلبي صار يومي
فعقبها ياراكب الي كن عجاجه=لاقضب له سهلة فوقه غيومي
سايقه من كثر رجه وارتجاجه= يشبه لحر يحوف الصيد مومي
مسندي لاترحمه حتى تواجه=صفة قصور ضنا عياض قرومي
الوكاد الحق مالك من خراجه=من تراحيب تجي قبل القحومي
لابتي هم محزمي وقت المواجه=وان زهمت التغلبي يقضي اللزومي
وزايد زود لنا في كل حاجه = وهم ترا عضود لنا تجلى الهمومي
وانحر الي من شبابه رز تاجه=طير شلوى لانشدعطه العلومي
وقل ترا الموضوع حج عقب حاجه=والهوى في وقتنا عكس السلومي
والسلام عداد مافارق كراجه =وعد مارقم بلوحات عمومي