يالله يالمعبـود يامنشـي الغـيـوم
يا ذا الجلال الي على خلقه رحـوم
يالمعتلي يفارجـن كـل االهمـوم
انـت الالاه ولالـنـا غـيـرك الاه
سـلام ياشيـوخ فعايلهـم تـعـد
شيخان عز مـن علـى أب وجـد
انتـم ذرا ونـا لكـم درع وسنـد
وانتم لنا وانا لكـم مامـن غنـاه
سـلام منـي يامطوعـه العنـيـد
ياأهـل الوفـاء والـراي السديـد
يا محزمي في الضيق ياسيف الحديد
يافزعـه المشتكـي ممـا دهـاه
يازين والله شوفكـم دايـم جميـع
ياأهل الوفاء يمطوعـه مالايطيـع
انتم حماه الدار والحصـن المنيـع
وانتم كما نجم تعلـى فـي سمـاه
جمع القبيلـه دوم يرفـع شانهـا
وتـرا تفرقهـا يهـز اركانهـاااااااا
وماتجتمـع الابجـمـع اعيانـهـا
ولعتصام بحبل من نرجـي سـواه
حطو المزايـن للبعيـد ولللقريـب
وقاموبها ربعن يحلـون الصعيـب
دواااسـر لعـوى ذيــب لـذيـب
ابشربهم كلن حضر وجهـن وجـاه
يعيش رجلن لادعى الداعي حضـر
لاصـد فـي الشـده ولادور عـذر
كريم سبـلاء مايحسـب لوخسـر
وليا عطى ماتلحـق المنـه عطـاه
حنـا الدواسـر ماذكـر فينـا ردي
والطيب ملـك التغلبـي والزايـدي
ورجالنا وصله كما وصـل الجـدي
وقت الشدايد سعـد رجـال نصـاه
حنا أهل الناموس موفيـن العهـود
أهل الكرم والجود حاميـن الحـدود
ولامن نصانا الضيف نذبحله قعـود
ونفوسنا ترخصلـه ونتبـع هـواه
حنا أهل العليا وحنـا أهـل الكـرم
وفعل الكرم طبعن لنا منـذ القـدم
عيب علينـا نبيـع مانـا واللحـم
وفعالنا تشهـد بهـا كـل الـرواه
يشهد لنا جريس اليماني بالجميـل
يوم جانـا يشكـي الحمـل الثقيـل
شلنا حموله ثـم عطينـاه النخيـل
وعود بذود شوفهـا غايـه منـاه
وجانا الهلالي هو وربعه ضايفيـن
عامر بن بـدران سقـم المعتديـن
ذبحلهم خمسين مـع زود اربعيـن
تسعين من البل ذبحها يـوم جـاه
وحنا ودينا الجـار والسبـة جـدار
وهذي لنا رمز وفخر واغلى شعار
ونرفع خمال الجار لو الجار جـار
ومن سلمنا الجار ناسمله عصـاه
والشمري يشهد لنا بيومن عبـوس
في يوم حرب كنها حرب البسـوس
موتره شليناه في سبعـه جمـوس
ساعه وقف والحرب داير في الرحاه
نخا الدواسر قالو انـا لـك حـزام
ولي معه ربعـن يـردون الجهـام
الاد زايـد مرويـه حـد الحسـام
الكل منهم شاش يـوم انـه نخـاه
فوكوه ثم فـوق المواتـر حملـوه
وحمله على كل المواتـر وزعـوه
خويهم والكـل منهـم كنـه اخـوه
نجا بفضل الله ثـم فضـل اخويـاه
وهذا الخوي يوم وسط البير طـاح
ثم انكسر ماله جدا غيـر الصيـاح
زهم خويه والخـوي ماعنـه راح
احتار في وضعه وهم في أرض فلاه
ذبح ذلوله قـال عنـك الهـم زال
ساعة ذبحها جلدهـا حطـه حبـال
ونزل عليه وطلعه وافـي الخصـال
ونجا الخوي والرب كاتب له نجـاه
ويشهد لنا بن مطرف بيوم مخيـف
نصا الدوااسر يوم جـلاه الشريـف
ودخيلنا منزالـه بـراس المنيـف
زبن علينا وحـن مزبنـة الجنـاه
جانا الشريف يقود قـوم وعسكـرا
يقـول فـي حربكـم لاسمـع لارا
وقلنا ابشربرمـح وبسيـف ابتـرا
وبالسيف والبـارود داوينـا عمـاه
وحنا أهل البل من قديمـات الليـال
ماجتنا استرفـاد ولا بدفـع مـال
ورث لنا وثمانهـا بيـض السـلال
وياما حميناها مـن يديـن الغـزاه
البل عطايـا الله لهـا مجـد قديـم
ولايملك البل كـود رجـال حشيـم
والبل ذكرها الله في القول الحكيـم
وناقه نبي الله خلقها مـن حصـاه
وشاعر مايمدح لابته مافيـه خيـر
ولاخير في شعـر ينـزل مستـواه
وختامها مني صـلاه علـى النبـي
على الرسول الهاشمـي واليعربـي
اعـداد مـن يقـرا ومـن يكتبـي
وعداد من زار الحـرم وأدا الزكـاه
اتمنى ترحبون يالنشامى
ببنت عمكم بنت الاجواد
بين اسرة الدواسر الكواسر
خطلان الايدي
