السلام عليكم وأسعد الله أيامكم بكل خير
متواضعه لـ علها تليق بكم
.
.
الشعر يا صاحبي مثل نقـش فالصــخور
واللي قبلي في الشعريالرفيق معانيه
اعـبر الدرب قــدمك لا تـــلف ولا تـدور
لجل تصـبح عيـــشتك يالسنافي هانيه
اللــــيالي ما تعلمك عن غــيب الشهور
تمرس ايام العـــمر مثل حبل السانيه
عشنا في دنيا العناء والمكابد والغرور
وأصــــدقانا عـــودوا قــوم وعدوانيه
وين ناس قــبلنا دفــنوا بوســــط القبور
خــــلوا الأوطـــان والله المســـتعانيه
طويت صفحاتهم والوعد يوم الــــنشور
يوم تــــاتي كل نفـــس بعمـــلها دانيه
في نهار تدني الشمس وتضيق الصدور
رحمتك يا عـــالم الســـر والعـــلانيه
بيوم هـــول والملاء يالهـــي به ذعــور
يالهـــي رحمـــــتك يوم شــل اركانيه
طالبك تغــــفر ذنوب عظــيمه ياغـــفور
وندخــل الجـــنه من ابوابـها الثمانيه
مايدور بخــاطري من كلام ومن شعور
دونته اقـــلام شعري وجت قيـــفانيه
اخوكم : ناصر بن إبراهيم المفرج التميمي