::: مـنتدى قبيلـة الـدواسـر الـرسمي ::: - عرض مشاركة واحدة - رنج وعروس
الموضوع: رنج وعروس
عرض مشاركة واحدة
قديم 19-01-2010, 10:31 AM   #1
 
إحصائية العضو







محمد الجبريني غير متصل

محمد الجبريني is on a distinguished road


افتراضي رنج وعروس

صباح الخيررررررررررر

الأبيات

مبدئياً

تحت مسمى



( رنج وعروس )



وعن
الأملا اعذروني
وعن التقصيررر كذالك
التمس منكم العذرررر













النوم حارب جفن عيني وساااابه=وأخذت لي مع جزل الاشعار شوطين
الشوط الاول في خفوقي سرابه = ذكر الله وذكر النبي ونعمة الدين
والشوط الاخر كل ما في زهابه=قدام فكري مابه الا اختيارين
اما أجر الصوت مثل الربابه =والا اني اسري فيه أجوب البساتين
ونخل الأحساء ياشعر محداً غوابه= أتغار من شعري حرض به و يبرين
وسلوى مع البطحا وشاط الرحابه = وديرة خليفه ترث زايد ونعمين
وقطر ومن هو عاش به واهتنابه=وحكامه اللي بالشجاعه صليفين
وعمان وسهوله وعالي هضابه=اتثور من شعري حممها براكين
والبيرق اللي شيخ بن حرب جابه=لو يحصل اذن اني له من القريبين
ولو قالو أل سعود روح .. يتنابه=بأذن الله اني له من المستعدين
انا من اللي شعرهم ينغزابه =ماني من الي بالقصايد ركيكين
وسليم ربعي مخاويين الصحابه=والفعل مثبت بالحجج والبراهين
وعز الله بشعري يغير اهقابه =الله يرحم حالكم يا مساكين
انا بشعري فوق حكم الرقابه =ماتخضع اشعاري لحكم القوانين
وياشين يا الأجواد خبث القرابه=وانا ماني والله به من البخيصين
عندي كلامٍ مالقيت أله أجابه= تحتار في حله عقول الفطينين
ماحرم الخلاق حسن الدعابه = في حدود شرعه لو مع احلا الجميلين
والحسد يورث بهله الكأبه= والرزق ماهو في يدين البخيلين
المعطي الله من وسيع الرحابه = الله ولا مدة يدين الحسودين
والموتر اللي في ركوبه طرابه = انا وهو نفدى رموش ادعج العين
الله على وقوفه وحلو انتصابه = ماشفت انا له بالمواتر حليين
ماصنعه يابان مخه خرابه= مغير كل شوي تحقنه بنزين
والله على رساوته وانسيابه =مضمون مايقلبه أقوى الغشيمين
مضمون سواقه من الانقلابه =رساوته تشفي كبود الغليلين
لو يمسح الطبلون حضرت جنابه= مايحك بطنه عاليات الجبانين
وبالبر ماتشعر بهزت مطابه =وغيره يقطع بنقزيه المصارين
اما انصدم والا ربض في ترابه =لاسار مايشمله ضمان برلين
وهذاك ماله بالمواتر مشابه = واقسم على المصحف بربي ميت دين
ومتوسط المدخول ما لمس بابه= وكالته ضني مايدري بها وين
انشهد ان اللي صنعه اعتنابه =وخلاه يلفت حسنه احلا المزايين
يجاوب بصوته قنيب الذيابه =مايركبه غير الرجال الحشيمين
عزي لوجهٍ بالمراجل ماجابه =وماهي خساره قيمته لو ملايين
انا تولعت بغلاه وعذابه =وعزالله اني له من المستخصين
اللي يشابه بالبياض السحابه=اصفق لياشفته من القل كفين
القلب من حبه تعرض لصابه =ياليت يهدونه على الثريين
شروى الوليد اليا من الله عطااا به =مدات جوده ترجح الها بضلاعين
ياعز من عنز عليه ولاجابه =مابه على مدات جوده زويدين
واسد حلق الفقر وكسر لنابه = ويموت ليش ؟ يعيش .؟ فيني بنفسين ؟؟؟
وبالفقر غيري داري ان به غلابه= وانا معاهم يعتبر حالي ازوين
يالله ياربٍ عظيم الرجابه =لاتقطع "ال" عفوك من المستحيجين
تجار خنذف و فزعو يا شبابه =ولاهانو اكبار العرب والسلاطين
ياعزوتي يافزعتي خير لابه= يامسندي في حزت العسر واللين
(رنج . وعروس) بطلع زهرة شبابه = يرجع الشايب تحت عمر عشرين
حبيبتي وين بغلاك التعابه =عجزت انا فهم لتجاهك على وين
واللي حباني بالقصيد المهابه= ربي ورب الصائمين المصلين
من وكل اللي مايخيب الرجابه=في ذمتي ذمه ياحاله ماهو بشين
وياويل ويل اللي مايخشا عذابه =في ذمتي ذمه ماهو من السعيدين
وانا نسيتك يا هذيك العقابه =يابنت ذربين المزايا الاصيلين
نسية خياله ويا للعيابه =وطبع الوفا اكبر ميزةٍ بالجبارين
اشكرك عن كل النساء بالنيابه=واسباب شكري عنها لاتسالين
و جزل الحروف الفكري لن مارتقابه=ماني بجزل الشعر ضمن الكبيرين
الله يجعل لك من الله مهابه =واليا سمعتي دعوتي قولي امين
دعوتها لك حزت الاستجابه =بعد ذلف من فترة الليل ثلثين
لنك لجزل الشعر فخر وذرابه =خيالةٍ بالشعر خوض الميادين
بينك وبين الشعر وصل وقرابه= والمدح واجب بك وله تستحقين
يامرحبا بجمل حروف الكتابه= وعداد ما بالشعر ولف دواوين
من هاجسٍ جزل الحروف انتشابه= وترجم حساس الفكر بجلا المضامين
الطيب نحسب يابنت الا حسابه= مانجهل اسلوم العرب والقوانين
والذيب والذيبه ونسل الذيابه =مايختفي عل حر شكل الشياهين
وحيالله مرورك ويا مرحباااا به = ترحيبةٍ ترجح بكل الموازين
واللي مايخلف بالقصيد التعابه =بعذب حروف الشعر مايقضي الدين
وأشين ما في الأ نسان لا قل أدابه=معاد يملى بالنضر له طرف عين
والوقت هذا به تمصقر غرابه = وغربل غثا الوقت الحرار الكريمين
احد تمشيخ فيه واحداً غثابه =واحدٍ مصاب من الغثا بالطواعين
والحر ما يسلك دروب الردى به =والا الردي عنا من اردى البعيدين
يالله تلهمنا سؤال الاجابه =نهار فيه أن حط مابين لحدين
بعد القصور الفاخره في ترابه= لنا من أتراب الله اصل مخلوقين
وصلو على اللي بالهدى يحتذابه= رسولنا عند الله أولا الشفيعين




وسلامتكم

 

 

 

 

 

 

التوقيع

هواجيس قلبي قامة اتلوب قلبي لوب


من اذينه الايسر الى اذينه الايمن


وانا اسال رب الملك فوقي عساه يتوب


وشيطان نفسي ماهو بفوقي مهيمن


وانا والله اني فوق ربعي رجل محسوب

وطريقي مع هل الطيب واهل الوفا الايمن


محمد الجبريني

آخر تعديل محمد الجبريني يوم 19-01-2010 في 11:06 AM.

    

رد مع اقتباس