انالابغيت النوم دونه يجون احروس = ثلاثين شهرن والملايل بالاحداقي
ثلاثين شهرن ساهرن كني المضروس = اجاذب ونيني والبلا داخل اعماقي
وانا صابرن والقلب يشذب بحد الموس = على ماجرالي من ترداي الاوفاقي
وانا والله إني خابرن حظي المنحوس = بخيوط العناكب مانفعني تعلاقي
على جادلن حبه لعبي وجيته كوس = على غير يمة والعزاير لها باقي
غزالن سكن في ديرة مايجيها اعسوس = بعيدن قريبن دونهم قاصرن ساقي
رشيقة قوام وردفها زعل الملبوس = عليها اشقرن مفلول والخد شعاقي
لامن نظرني ياعلي والعباد اجلوس = تضيع الدلايل والنفس بالتشهاقي
صوابه علقبي كن وسط الحشا دبوس = تضيق الفجوج الواسعه من تغلاقي
ولامن بغيت اجيه دون تحول ارسوس = مقاريد ناسن همها قطع الارزاقي
سميه صعيبن دون كسبه تطيح الروس = ومن دونه البتار قطاع الاعناقي
على شانه امريكا غزت ماتريد افلوس = ولاياصله ياكود قرمن وتفاقي
لاصار نار وغار حوسن تقفا حوس = تضيع الصمايل والهقاوي على الهاقي
اخذت التجارب والهدف رميته من قوس= إلى جاك فالن فامتنح والله الواقي