تسأل تحسبني على الكيف اقفيت=ماتدري بغصات الاهات مخنوق
بيوم السواد الي تكحله واعميت=ملباس قلب(ن) من الهم مشقوق
اسبابه الدنيا خذت قلبي الميت=وتدفن بقايا قصتي وسط العروق
ترسملي الدنيا سواد(ن) بلا ليت=ومحاجري تعكس مشاريف وحروق
اصبح على همي ولا اقول امسيت=تخاطف عيوني لو الشك مطروق
ثورة غضب بداخلي ماتوعيت=يومي من حظوظ الغلا صرت مسروق
اعلنت بعدي عن الهم واشقيت=ظروف تكتم داخلي صدق منطوق
ياهاجس الشاعر تراني تقهويت=من دلة افكار(ن) بها الهيل منتوق
يلي غلاك بداخلي كل ماجيت=موقت تلاقينا بلاغروب وشروق
تدرين مرسالك سبايبه رديت=يلي اشوف ان الوفا فيك مخلوق
ياصاحبي لاتحسب اني تباطيت=مركب غلا في داخلي ساقه الشوق
وسلامتكم
اخوكم
محمد بن حسين الحضيري