سلام عليكم
ذي سالفه مبطيه لواحد من الشكره وهو شاعر معروف اسمه بن جميله ابو مسعود
من ال سويلم
المهم دايم ينزل للحسا يبي التمر والسمن ودايم ياخذ دين ويجي عند ذاك الحساوي
قال يا حساوي عطني كم قلة تمر وسمن وتراها دينه للزمان الجاي عيا الحساوي
العفن قال لا يابو مسعود ان كانك بتمدحني في قصيده ابشر والله ان اعطيك اياها
هدو بس الله الله في القصيد وابشر بالهديه هنا بن جميله قال مهب يستاهل المدح الحساوي العفن
وطرت عليه العياره ويلعب على ذا الحساوي الخبل وقال
مرحبا عداد ضروس النعامه
وعداد ما على الطحيحي من ريش
وعداد عمد القصور الهدامه
والنعام ماله ضروس والطحيح ماله ريش والقصور الهدام ماله عمدان
والقصيده طويله فيه مير مالقيت كمالتها ويسبه فيها والخبل الحساوي مستانس يحسبه يمدحه وقام يغنيها كامله
وقال الحساوي ابشر بقلتين تمر هديه عقب ذا القصيده الطيبه وما يجيني منها
قيمه ذي هديه لك وكل زمان لك مثلها هديه
وظحك عليه بن جميله بذا القصيده وخذا التمر منه وراحت ذا الابيات مثل اللي يبي يرحب بواحد مايبيه
وسلامتكم