[معلومات العضو زهر النوّار]

المشاركة الأصلية كتبت بواسطة عبدالله بن فهد

ياجنة الفردوس يادار الابرار =اعلا المراتب فاز منهو صعدها
من باع نفسه في رضا والِ الاقدار =انا اشهد ان نفسه تحصل سعدها
عساك يابو سعود بجنان وأنهار =ونفسك تحصل عند ربك وعدها
ارخصت روحك يوم عج الدخن ثار = وضرب القذائف مثل وابل وبردها
وغطا خضار الجو دخان وغبار = مخيلةٍ تمطر ويرزم رعدها
وردت حوض الموت بعزوم واصرار= وردة شرف تكتب المنهو وردها
أكبر عزانا موتة العز والكار = بدلتك دفنت معك داخل لحدها
حرٍ تسلسل من مواكير الاحرار =شقر الحرار اللي ينومس هددها

بيض الله وجهك ياعبدالله بن فهد

تسلم يمينك اللي خطت هالقصيدة الجزلة وصح لسانك

انا جدآ سعيدة بهالقصيدة وهذي هقوتي في بني عمي الدواسر

الله يحفظك اخوي وماااااااااااااقصرت