اقتباس:
|
المشاركة الأصلية كتبت بواسطة المسعري
امس الضحى عديت راس الطويله=واونست في كبدي سموم الحيايا
من واهجا في الصدر مثل المليله=صالي صلى عوج الضلوع الحنايا
ازريت اطيق الصبر ويش الوسيله=والقلب كن يصلاه حامي الصلايا
من وقتنا اللي ماعرفنا سبيله= والله درى وش مقبلات الخفايا
عز الله اني شفت عدله وميله=عدله على ناساً وميله نحايا
خلا ردي الساس يسوى قبيله=والطيبين جنود وسط السرايا
تلقاه في النوبه صباح ومقيله=ويديرهم (ــــ؟؟؟؟ــــــ)خبيث السجايا
عزالله ان ذا الوقت طوع لصيله =وخلا الحصيني مثل ذيب القرايا
تفاً على ذيك الوجيه الذليله=اللي من الشيمه خفاف وعرايا
سود القلوب اهل الكبود الغليله=نقاله الهرجه كبار الحكايا
وكلا على ماقيل يتبع خليله=وانا ما اخاوي من علومه دنايا
فيالله يامعطي العطايا الجزيله=ياواهب الوهبه كريم العطايا
ياللي خلقت الكون في كم ليله=انك تغفر ذنوبنا والخطايا
وانك تعز اهل العلوم الجليله=اللي على الجزله تسوق المطايا
ياحيف مايستاهلون الهزيله=روؤس الرجال مباعدين الهقايا
وختامها صلو على خير جيله=محمد الخاتم شفيع البرايا
|
صح لسانك ولاهنت يالمسعري على هذه الرائعه وبيض الله وجهك
ايه هذا زمان العجايب ياطويل العمر
المال حط البوم بعالي ارتج ..من عقب هم وضيم جاله ملاجي
بيت من قصيده لي قلتها من سنين عسى الله يذكرك الشهاده
اخيرا تقبل تحيات محبك/// رجوم الشياطين