مدارات شعبية الجمعة 01 محرم 1431 العدد 13595
كل بقلبه وسم وسهوم ورسوم
بمناسبة عودة صاحب السمو الملكي الأمير سلطان بن عبدالعزيز ولي العهد نائب رئيس مجلس الوزراء وزير الدفاع والطيران والمفتش العام سالماً معافى لأرض الوطن بحثنا من روائع الشعر القديم لسموه فوجدنا هذه القصيدة التي قالها خاله المرحوم الأمير خالد السديري في وقت مضى بسموه الكريم:
حي الجواب اللي من الدر منظوم
أبيات يطرب للشعر من قراها
أحكم معان القول وأقول محكوم
أبيات عدلها حكيم قواها
لا بأس ياللي قطع الليل بهموم
وجدّد على النفس الشقية عناها
من ونتك ونيت يا مفني الكوم
وأصبحت في حالٍ على الله جلاها
لا طاب لي ليل ولا طاب لي يوم
قامت عليّ قيامتي من سماها
يهيم قلبي يمة الشرق واقوم
ثم انتبه واخفي بنفس بلاها
بلاي شكوى مبعد الصيت شغموم
شكوى يبينها ويخفي هواها
نبي نرتبها بقانون وسلوم
ونسوي اللي صار واضمن رضاها
أجيبها كان انها جابها السوم
وعليّ لو عزّ الطلب مشتراها
يهمني همك ولازمك ملزوم
شكوى تبينها علينا قضاها
معلوم ما يالف على النوم مهموم
تقزيه عين غاب عنها رجاها
يجول قلبك وانت ما قلت متموم
أنت اسعد اللي بالبسيطة وطاها
يا ممن المضهود في ديرة القوم
تعط العطايا واحد ما احتراها
صلف شجاع صايب الراي مزموم
تروم غايات وترمي وراها
ترفق بمضيوم وتنهض بمهضوم
وترفع على دار السعادة لواها
لا شك ما ألومك ولا يلحقك لوم
ليا شكت فراق عينك هواها
لك بالحرم ناس سهاري عن النوم
اجسامهم بعدك عليهم طواها
الليل يقضونه هواجيس وهموم
والصبح من طال الطويلة رقاها
كل بقلبه وسم وسهوم ورسوم
من عقب فقدك يا موحش حماها
أمين تجعل شمل الأحباب ملموم
عقب النوى والبعد تلقي عصاها
الأمير خالد بن أحمد السديري