اقتباس:
المشاركة الأصلية كتبت بواسطة ماجد المهنا
(( خير ))
وش جاك مني يا رفيقي خير ! = وش مزعجك يوم اتقفاني !؟
تكذب علي وخانك التعبير = ويضيع علمك واتبلاني !!
ولو ان منت بضايع التفكير = ما كان جاني منك ماجاني
لكن نقول ان ذا الامور تصير = والله يحرسني وياقاني
بدمح خطاك وبتناسى مير = راجع ملفاتك على شاني
أنا موهبه تستاهل التقدير = حتى من خصومي وعدواني
لأن الحكي عني بلا تبرير = كثّر علاقاتي وصدقاني
حكاويٍ تبنى على التشهير = أكرم وتكرم عنها آذاني
انشد حساسيدي / كبير , صغير = عن وقفتي في زوغ الاذهاني
عدوا لي العدة وجيت مغير = وتساقطوا واحد ورى الثاني
بنات الفكر فرّع , وراسي زير = يا كثر ماستغفرت واغواني
يدوي به الهاجوس لي يسير = في حانة افكاري وقيفاني
مدامه , أجزل ما كتب لا غير = وعشيقته , فصاحة لساني
ركز معي سياسة التشفير = ماهي بساليبي ولا اداني
ماداني الألحاح والتكرير = ومافيه داع اعيد شرطاني
سهله ولا ظني تبي تفسير = ( أنا , أنا .. قدري وميزاني )
من بورة الايام قدني طير = كفخت لا بارت بجنحاني
ماجد المهنا |
الشاعر القدير : ماجد المهنا
صح لسانك واعتلاء شانك ولله يبيض وجهك
مبدع وموهوب ولك باع طويل في الابداع
سجل اعجابي وتقديري