اقتباس:
|
المشاركة الأصلية كتبت بواسطة دغش البطي
السلام عليكم ورحمة الله وبركاته وبعد أقدم لكم أول مشاركة لي عساها تجد القبول منكم أو ترقى لذائقتكم الفائقه
ليال الشدايـد لاقسـت مثـل حـد المـوس=تخلَـي سليـم العقـل والقـلـب يرتـابـي
ومنهـا فوايـد تظهـر الواقـع الملمـوس=وتعلَم لبيـب القلـب عـن سرَهـا الغابـي
فأنا أخذيت من سود الليالـي عبـر ودروس=وسجَلتهـا عنـدي علـى صفحـة إكتابـي
بعد ماكشر وجه الزمن وأظهـر المدسـوس=عرفت وفهمت الفرق من بيـن الأصحابـي
فألاصحـاب ماتنقـاس بالشكـل والملبـوس=الأصحاب تظهر في اللـوازم والأصعابـي
فصحيبٍ ليا منـي نصيتـه وأنـا محيـوس=لقيتـه علـى الميقـاف للطيـب كسَـابـي
سواٍ إني بغيـت الجـاه وإلأ بغيـت فلـوس=كما الشيك عندي ضامنـه داخـل إحسابـي
وصحيبٍ ليا جيته تعـذَر وحاسـك حـوس=عـذاره كثيـره وأكثـر الـظـن كـذَابـي
ينافـق وقلبـه شامـخٍ بالـردى مغـروس=ولـو كـان ودَه ماقـدر فعـل الأشنـابـي
فألأشناب تحصد كلمة النعم غصب وجـوس=زحول الرجال اللـي بهـا المـدح ينسابـي
وترى المرجلة تصعب على الهابي الدنفوس=وتسهل على اللـي بالوفـاء تعشـق النابـي
وترى الرجل لاأخطى في شبابه من الناموس=صعيـبٍ عليـه الطيـب يانـاس لاشـابـي
وترى الضرس يضعف كل مادبِ فيه السوس=وترى البيـت مايبنـى بلاأعمـادِ وأطنابـي
ومن لارفع رآسـه مـع رافعيـن الـروس=فأنـا بأشهـد إنَـه مفـلـسٍ دام ماطـابـي
وحـرامٍ علـي ياواحـدٍ بالـردى مغمـوس=لاأجنَب عنه وأبعد ولو هـو مـن أقرابـي
وهـذي نتيجـة واقـعٍ حاصـلٍ ملـمـوس=جرالـي ودونتـه علـى صفحـة إكتابـي
أخوكم : دغش البطي
|
صح لسانك من السماء الا الارض وبيض الله وجهك يوم الحشر
قصيده شامخه شموخ صاحبها عسى الولي يحفض ويرعاك
اخوك /// رجوم الشياطين