السلام عليكم ورحمه الله وبركاته
يكفي ان مارديتو بالموضوع يكفيني تقرون القصيدة...وبالمناسبة رايكم يهمني يالربع
وكل عام وانتو بالف خير بمناسبه السنه الجديدة
كتمت البوح وصمتي قد حكاني
وباح بحبي من أقصى كياني
الا ياكبر صد اللــــــــــي اوده
يحل بخفاقي ضيقن كواني
تلوذ بمجسمي حّرات نارن
وتمسى العين تسهر في اماني
سبب فرقا حبيبن حيل احبه
تغلى عني ثم قفّى وجفاني
لأول نظرة في شوفه سحرني
جذبني دون قصده من مكاني
عذرته لان في وجهه ملاكن
يحار المرئ في وصفه معاني
فسبحان ربي كمّل في وصوفه
ولله خالقي جل امتناني
جعل طيبه على بسمه شفاته
يحس اللي يشوفه بالحناني
سحابة صيف تمطر كل مااضمى
كانّي بالاصل وردة وسقاني
نطق صمتي وقال انّي احبه
كأن قلبي أمر صمتي ابلساني
انا طبعي خجول وماتوقعت
ابوح بخافي اشعوري علاني
سكت لحظة,وقال انته اتّوهم
بطاري الحب مابين الاماني
يظن صدق المشاعر فيني إعجاب
ابتعب كيف افسر له تراني
تعبت اصبّر بحالي ولكن
يلاقي الصابرين خير العواني
طلب منّي بنسيانه ولكن
أصيل ومااتناسى من نساني
غدا قاسي على روحي وروحي
عليلة من هجيره بالثواني
تبدّل دون مايترك بقايا
تبدّل وصار لي انسان ثاني
الا ياكبر مشكلتي لأني
أٌقدم طيب وأخلاق وتفاني
في وقتن مانلاقي فيه وافي
صعب تلقى وليفن مو اناني
في يوم الجمعة جت منه رساله
تمنى لي سعادة واستكاني
فرحت بلحظة,وبلحظة بكيت
فرحت انّه تذكّرني وطراني
كتمت البوح وصمتي قد حكاني
وباح بحبي من أقصى كياني
وسلامتكم,,,,,,,,
رآيكم يهم لاتنسون هع ..بحفظ ربي ان شاء الله